Filipae 3:6 - Pijin Deuterocanon

⁶ Mi barava strong tumas long waka blong God, so mi mekem olketa Kristin fo safa. An long wei fo kamap stret falom Lo, mi no garem enisamting rong long laef blong mi.

Pijin Bible

⁶ Mi barava strong tumas long waka blong God, so mi mekem olketa Kristin fo safa. An long wei fo kamap stret falom Lo, mi no garem enisamting rong long laef blong mi.

Filipae 3:6 ပူးပေါင်းရင်းမြစ်များ

2 Samuel 21:2

Olketa man blong Gibeon i no pipol blong Israel, olketa ya i wanfala smolfala grup nomoa long laen blong Amoa. Pipol blong Israel i bin promis fo lukaftarem olketa, mekem trabol hemi no save kasem olketa. Bat King Sol hemi trae fo kilim olketa dae, bikos hemi laekem tumas olketa blong Israel an Jiuda fo tekova long lan blong olketa. So King Deved hemi kolem kam olketa man blong Gibeon,

2 Kings 10:16

Jehu hemi tok moa olsem, “Tude, bae yu save lukim dat mi strong fo duim waka blong Yawe.” Den hemi raed tugeta wetem Jehu long kaat fo faet blong hem.

Eklesiastes 7:16

Yu mas no kamap stret fogud long tingting blong yu seleva, an yu mas no kamap waes tumas long tingting blong yu seleva. ?Waswe nao yu laek fo kilim yu seleva dae?

Levitikas 13:16

Bat sapos soa ya hemi finis, disfala man hemi mas kam long prist,

Matiu 23:25

“!Yufala olketa tisa blong Lo an yufala olketa Farasi, yufala lukaot! !Yufala save laea tumas ya! Yufala nao wari tumas fo klinim aotsaet long kap an plet, bat long insaet hemi fulap long ravis, olsem wei blong yufala fo ravem olketa pipol an fo laekem enikaen samting fo yufala seleva nomoa.

Matiu 5:20

Mi talem long yufala, yufala mas barava duim wanem God hemi laekem, winim olketa tisa blong Lo an olketa Farasi ya. Sapos nomoa, bae yufala nating fit fo go insaet long kingdom long Heven.”

Gudnius abaotem Jisas Kraes wea Luk hemi raetem 1:6

Wei blong tufala ya hemi barava stret long ae blong God, bikos tufala barava falom nao evri lo an rul blong hem.

Aposol 21:20

Olketa preisim God nao taem olketa herem toktok blong Pol, an bihaen, olketa tok olsem long hem, “Brata, yu save dat plande taosen Jiu nao olketa biliv long Jisas finis, an olketa evriwan ya olketa falom tumas Lo blong Mosis.

Aposol 22:5

Haeprist an evriwan blong Kansol olketa save talemaot nomoa dat diswan hemi tru ya. Olketa nao i givim mi olketa leta wea olketa raetem go fo olketa wantok blong yumi long Damaskas. An mi nao mi wakabaot go fo kasem Damaskas an kasholem olketa pipol olsem. Mi laek fo putum sen long olketa an tekem olketa kam long Jerusalem, mekem olketa panis.

Aposol 26:5

Olketa save long mi longtaem nao, an sapos olketa wiling, olketa save talemaot dat mi wanfala long olketa Farasi an mi barava falom wei blong olketa, stat kam taem mi yangfala yet. An seksin blong mifala nao hemi strong tumas fo falom Lo blong God, winim evriwan moa.

Aposol 8:3

Bat Sol, hemi traehad fo finisim sios nao. Hemi go-goraon long olketa haos fo kasholem olketa man an olketa woman hu i biliv. An hemi putum olketa go insaet long prisin nao.

Leta wea Pol hemi raetem go long sios long Rom 7:9

Long bifoa, mi laef nomoa nomata mi no save long Lo, bat taem mi stat fo save long Lo blong God, disfala wei blong sin hemi kamap strong tumas insaet long mi, an hemi kilim mi dae nao.

1 Korin 10:32

Yufala mas stap long wei wea yufala no spoelem eniwan, nomata hemi Jiu o hemi no Jiu o hemi blong sios blong God.

1 Korin 15:9

Bikos mi nao mi lou tumas nomoa long olketa nara aposol, an mi no fit fo olketa kolem mi aposol, bikos mi bin meksave long olketa long sios blong God.

Filipae 2:15

Long diskaen wei nao bae yufala save klin long ae blong God an yufala no save garem enisamting rong long yufala. Long wei ya tu bae yufala i olketa pikinini blong God wea olketa gudfala tumas, nomata yufala stap wetem olketa pipol wea wei blong olketa hemi nating stret an olketa duim olketa ravis samting. Ya, bae yufala saen go gudfala long olketa, olsem olketa sta i saen long skae,

Filipae 3:9

an mekem mi save joen gudfala wetem hem. So mi no stap stret long ae blong God bikos mi falom disfala Lo ya. !Nomoa! Mi kamap stretfala man bikos mi biliv long Kraes, wea God nao hemi duim diswan bikos mi biliv nomoa.

1 Timoti 1:13

Hemi tru, long bifoa nao mi save tokspoelem hem an mi mekful tumas long olketa Kristin. Bat nomata olsem, hemi sore long mi wea mi nating save nomoa long wanem mi duim bikos mi no biliv yet long taem ya.

Jajis 6:30

So olketa tok olsem long Joas, “!Yu tekem kam san blong yu mekem mifala kilim hem dae! Hem nao brekemdaon olta blong Baal an hemi katemdaon tambu pos blong Astarot.”