Filimon 1:22 - Pijin Deuterocanon

²² Narasamting moa, mi save dat yufala gohed fo prea long God fo mi save kambaek moa long yufala, an mi biliv bae God hemi herem olketa prea blong yufala. So, mi laekem yu fo mekredi long wanfala rum fo mi stap long hem.

Pijin Bible

²² Narasamting moa, mi save dat yufala gohed fo prea long God fo mi save kambaek moa long yufala, an mi biliv bae God hemi herem olketa prea blong yufala. So, mi laekem yu fo mekredi long wanfala rum fo mi stap long hem.

Filimon 1:22 ပူးပေါင်းရင်းမြစ်များ

Aposol 27:24

an hemi sei, ‘!Yu no fraet Pol! Yu mas go stanap long frant blong bikfala King long Rom. An bikos God hemi gudfala, bae hemi sevem laef blong evriwan hu olketa go-go wetem yu long sip ya.’

Aposol 28:23

So olketa makem wanfala de wea olketa save kam moa fo lukim Pol. An long de ya, plande moa long olketa nao olketa kam an hipap long haos wea Pol hemi stap long hem. An stat long moning go-go kasem long ivining, hemi gohed fo talemaot klia tumas long olketa pipol abaotem kingdom blong God. Hemi talemaot olketa toktok abaotem Jisas wea olketa stap long Lo blong Mosis an long olketa profet. An hemi traehad fo mekem olketa fo stat fo biliv long Jisas.

Leta wea Pol hemi raetem go long sios long Rom 15:24

so mi tingting fo visitim yufala tu taem mi go long kantri long Spen. Bae mi stapgud wetem yufala fo lelebet taem nomoa, an bihaen mi laekem yufala fo helpem mi long gogo blong mi long Spen.

2 Korin 1:11

bikos yufala helpem mifala long prea. Bae God hemi herem prea blong plande pipol an bae hemi givim fri blesing long mifala. Den plande pipol bae olketa save talem tengkiu long God, taem olketa tingim mifala.

Filipae 1:19

bikos mi save, from prea blong yufala fo mi an from help blong Spirit blong Jisas Kraes, bae mi goaot from prisin moa.

Filipae 2:24

Mi trastem Masta, dat no longtaem nomoa, bae mi kam lukim yufala.

Hibrus 13:19

Mi barava askem yufala evriwan fo prea fo mi, mekem no longtaem mi save kambaek moa long yufala.

Hibrus 13:23

Mi laek fo yufala save dat brata blong yumi Timoti, olketa letem hem fo kamaot long prisin nao. Sapos hemi kam kasem mi kuiktaem, bae mitufala nao kam fo lukim yufala.

Jemes 5:16

So yufala mas talemaot olketa sin blong yufala long yufala evriwan, an yufala mas prea fo eniwan long yufala hu hemi sik, mekem hemi gudbaek moa. Prea blong stretfala man, hemi barava garem paoa an hemi save helpem pipol.

2 Jon 1:12

Mi garem plande samting fo talem go long yufala, bat mi no wande raetem long disfala leta. Mi laekem tumas fo kam long yufala an fo stori gud wetem yufala, mekem yumi save hapi tumas.

3 Jon 1:14

Mi laekem tumas fo kam kuiktaem, mekem yumitufala save stori gud.