Filimon 1:20 - Pijin Deuterocanon

²⁰ Gudfala fren blong mi, mi askem yu long nem blong Masta, plis yu helpem mi. Yumitufala stap joen wetem Kraes, so hemi gud fo yu mekem tingting blong mi fo kamap strong moa.

Pijin Bible

²⁰ Gudfala fren blong mi, mi askem yu long nem blong Masta, plis yu helpem mi. Yumitufala stap joen wetem Kraes, so hemi gud fo yu mekem tingting blong mi fo kamap strong moa.

Filimon 1:20 ပူးပေါင်းရင်းမြစ်များ

1 Korin 16:18

An olketa bin mekem mi hapi nao olsem olketa bin mekem yufala hapi bifoa. Yufala mas tinghae long olketa pipol olsem.

2 Korin 2:2

?Sapos mi mekem yufala filnogud, bae hu nao mekem mi hapi moa? Bikos yufala nomoa save mekem mi hapi.

2 Korin 7:13

From disfala wei blong yufala nao mifala hapi tumas. Mifala filgud long yufala, an mifala hapi tumas tu long Taetas hu hemi hapi bikos yufala mekem maen blong hem fo filgud moa.

Filipae 1:8

God hemi luksave dat mi lavem yufala tumas long sem wei wea Jisas Kraes hemi lavem yufala.

Filipae 4:1

So olketa Kristin fren blong mi, from olketa samting olsem nao, yufala mas gohed strong fo biliv long Masta. Mi lavem yufala tumas ya, an mi barava wande kam lukim yufala. Olketa fren, mi hapi tumas long yufala, an mi filpraod tumas long laef blong yufala.

Filimon 1:12

Mi sendem hem gobaek long yu moa, nomata mi lavem hem tumas.

Filimon 1:7

Gudfala fren, yu mekem mi filhapi tumas an yu strongim tingting blong mi bikos wei blong yu fo lavem olketa pipol blong God hemi mekem tingting blong olketa fo kamap strong moa.

Hibrus 13:17

Olketa lida blong yufala i lukaftarem laef blong yufala. An bihaen nao, bae olketa mas talem God abaotem wanem olketa bin duim. Dastawe yufala mas obeim olketa an tinghae long olketa, mekem olketa hapi long waka ya. Sapos yufala mekem waka blong olketa fo kamap hevi, bae hemi no save helpem yufala nao ya.

1 Jon 3:17

Sapos wanfala man hu hemi garem plande samting hemi lukim nara man hu hemi sot long enisamting, bat hemi no laek fo helpem hem, oraet, man ya hemi no garem disfala lav blong God.

3 Jon 1:4

Taem mi herem dat olketa pikinini blong mi i gohed fo falom tru toktok, mi barava hapi tumas. No enisamting moa save mekem mi hapi winim diswan.