Esta 8:9 - Pijin Deuterocanon

⁹ Long mektuenti-tri de blong mektri mans ya, wea nem blong hem nao Sivan, Modekae hemi kolem kam olketa sekretri blong king, an olketa raetemdaon wanfala toktok long nem blong king. Toktok ya hemi go fo olketa Jiu, wetem olketa minista blong king, an olketa gavna an olketa bikman blong 127 provins insaet long kingdom ya, stat long kantri blong India long ist, go kasem kantri blong Kus long west. Hemi gohed fo toktok, an olketa gohed fo raetemdaon olketa toktok blong hem. An olketa tanem toktok ya go long olketa langguis blong evri provins, an olketa tanem go tu long Hibru langguis wea hemi langguis blong olketa Jiu.

Pijin Bible

⁹ Long mektuenti-tri de blong mektri mans ya, wea nem blong hem nao Sivan, Modekae hemi kolem kam olketa sekretri blong king, an olketa raetemdaon wanfala toktok long nem blong king. Toktok ya hemi go fo olketa Jiu, wetem olketa minista blong king, an olketa gavna an olketa bikman blong 127 provins insaet long kingdom ya, stat long kantri blong India long ist, go kasem kantri blong Kus long west. Hemi gohed fo toktok, an olketa gohed fo raetemdaon olketa toktok blong hem. An olketa tanem toktok ya go long olketa langguis blong evri provins, an olketa tanem go tu long Hibru langguis wea hemi langguis blong olketa Jiu.

Esta 8:9 ပူးပေါင်းရင်းမြစ်များ

2 Kings 18:26

Nao Eliakim, an Sebna, an Joa i tok olsem long hem, “Komanda, plis yu tok kam long langguis ya Arameik. Mifala save nomoa ya. Hemi nogud fo yu tok kam long langguis blong mifala, bikos evri man blong ples hu i sidaon antap long wolston ya i heresave nomoa.”

2 Kronikols 15:10

Olketa kam tugeta long Jerusalem long mektri mans long mekfiftin yia wea Asa hemi king.

Esta 1:1

Evrisamting wea hemi hapen long disfala stori, hemi hapen long taem wea King Sekses hemi king long Pesia. Hemi rul ovarem 127 provins, stat long kantri blong India long ist, go-go kasem kantri blong Kus long west. An kapitol blong Pesia hemi stap long wanfala strongfala sefples wea olketa kolem Susa.

Esta 1:22

Hemi kolem kam olketa sekretri blong hem an talemaot toktok blong hem long olketa olsem, man nao mas rul ovarem famili blong hem. So, olketa tanem toktok ya go long olketa langguis blong olketa provins insaet long kingdom blong hem, an sendem go long olketa.

Esta 10:1

King Sekses hemi mekem wanfala lo fo fosim evri pipol long evri ples insaet long kingdom blong hem wea hemi go-go kasem long saet si, mekem olketa evriwan i mas waka had fo peim taks.

Daniel 4:1

King Nebukadnesa hemi sendem tu toktok blong hem go long evri pipol long olketa kantri, an olketa kala, an olketa langguis long wol. Hemi tok olsem, “!Letem piis hemi stap wetem yufala!

Daniel 6:1

King Darias hemi siusim 120 minista, fo lukaftarem evri waka long kingdom blong hem.

Daniel 6:25

King Darias hemi raetem leta go long evri pipol long evri kala an evri langguis, hu i stap long evri kantri long kingdom blong hem. Hemi tok olsem, “!Letem piis hemi stap wetem yufala!