Esta 6:7 - Pijin Deuterocanon

⁷ So, hemi tok olsem long king, “King. Sapos yu wande mekhae long wanfala man olsem,

Pijin Bible

⁷ So, hemi tok olsem long king, “King. Sapos yu wande mekhae long wanfala man olsem,

Esta 6:7 ပူးပေါင်းရင်းမြစ်များ

Esta 6:11

So, Haman hemi tekem kam longfala kaleko wetem hos, an hemi mekem Modekae fo werem kaleko ya, an helpem hem fo sidaon antap long hos ya. An hemi holem rop blong hos ya, an lidim hem go long bikfala ples fo miting long midol long taon. An taem tufala wakabaot go, hemi gohed fo singaot olsem, “!Hem ya nao wei wea king hemi mekhae long man wea hemi hapi tumas long hem!”

Esta 6:6

Haman hemi kam insaet, an king hemi tok olsem long hem, “Praeminista. ?Wanem nao king save duim fo man wea king hemi laekem tumas fo mekhae long hem?” Haman hemi tingting seleva olsem, “?Hu moa nao king hemi laekem tumas fo mekhae long hem ya? !No eniwan moa ya, bat mi nao!”

Esta 6:8

hemi gud fo yu mas talem olketa wakaman blong yu fo tekem wanfala longfala spesol kaleko blong yu wea yu gohed fo werem olowe, an olketa mas go fo redim hos blong yu fo luk spesol olsem taem wea yu redi fo raed long hem.

Esta 6:9

An yu mas talem wanfala long olketa nambawan minista blong yu wea hemi hae winim olketa narawan, fo mekem man ya fo werem longfala kaleko, an helpem hem fo sidaon long hos ya. An hemi mas holem rop blong hos ya, an lidim hem go long bikfala miting ples ya long midol long taon. An taem tufala gohed fo wakabaot go, bae disfala minista mas singaot olsem: !Yufala lukim kam! !Hem ya nao wei wea king hemi mekhae long man wea hemi hapi tumas long hem!”