Esta 3:4 - Pijin Deuterocanon

⁴ Evri de nomoa, olketa gohed fo tok long hem, mekem hemi duim wanem king hemi talem, bat hemi les. Hemi tok olsem long olketa, “Mi man blong Jiu ya, hem nao mi no save baodaon long Haman.” So, olketa go ripotem hem long Haman, bikos olketa laek fo lukim wanem Haman bae hemi duim long Modekae.

Pijin Bible

⁴ Evri de nomoa, olketa gohed fo tok long hem, mekem hemi duim wanem king hemi talem, bat hemi les. Hemi tok olsem long olketa, “Mi man blong Jiu ya, hem nao mi no save baodaon long Haman.” So, olketa go ripotem hem long Haman, bikos olketa laek fo lukim wanem Haman bae hemi duim long Modekae.

Esta 3:4 ပူးပေါင်းရင်းမြစ်များ

Jenesis 39:10

Evri de nomoa, woman ya hemi gohed fo suitim hem fo hemi go an slip wetem hem, bat hemi nating laekem nomoa disfala wei ya, an hemi no laek fo stap kolsap long hem tu.

Esra 1:3

!Letem God blong Israel hemi stap wetem olketa pipol blong hem! Eniwan long olketa hu i laekem fo gobaek, olketa save gobaek long Jerusalem fo bildimbaek moa disfala Tambuhaos blong Yawe, God blong Israel, wea olketa wosipim long Jerusalem.

Esta 3:3

Olketa narafala bikman blong king i askem Modekae olsem, “?Waswe nao yu no obeim toktok blong king?”

Esta 3:5

Taem Haman hemi save dat Modekae hemi nating mekhae long hem, hemi barava kros tumas.

Daniel 3:12

Bat trifala man blong Jiuda, Sadrak, an Mesak, an Abednego, wea yu bin siusim fo lukaftarem olketa spesol bisnis blong provins long Babilon, trifala nating obeim nomoa toktok blong yu. Trifala ya i nating wosipim nomoa olketa god blong yu, an trifala nating baodaon nomoa long disfala kaving wea yu bin stanemap.”

Daniel 6:13

Bihaen, olketa tok olsem long hem, “King, disfala man Daniel hu hemi wanfala long olketa blong Jiuda hu i kamap wakaslev long ples ya, hemi nating tinghae nomoa long yu, an hemi nating obeim nomoa disfala lo wea yu bin saenem finis. Oltaem, hemi gohed fo prea nomoa long God blong hem, trifala taem long wanfala de.”

Jona 1:9

So, Jona hemi tok olsem, “Mi nao wanfala Hibru, an mi wosipim Yawe God long heven, hu hemi mekem lan an si.”