Esta 2:23 - Pijin Deuterocanon

²³ Taem olketa man blong king i faendemaot gudfala moa abaotem nius ya, olketa jes save dat samting ya hemi tru nao. So, olketa kasholem tufala, an hangem tufala dae. Nao king hemi talem olketa man blong hem fo raetemdaon ripot abaotem samting ya insaet long buk long olketa ripot blong evri impoten samting wea hemi hapen insaet long kingdom blong hem.

Pijin Bible

²³ Taem olketa man blong king i faendemaot gudfala moa abaotem nius ya, olketa jes save dat samting ya hemi tru nao. So, olketa kasholem tufala, an hangem tufala dae. Nao king hemi talem olketa man blong hem fo raetemdaon ripot abaotem samting ya insaet long buk long olketa ripot blong evri impoten samting wea hemi hapen insaet long kingdom blong hem.

Esta 2:23 ပူးပေါင်းရင်းမြစ်များ

Jenesis 40:19

Hemi no kasem trifala de yet, bae olketa katemaot hed blong yu, an bae olketa hangem bodi blong yu long wanfala pos. An olketa bed bae i kam an kaikaim mit long bodi blong yu.”

Jenesis 40:22

Bat man ya wea fastaem hemi bos long olketa man fo mekem bred blong hem, olketa kilim hem dae, an hangem bodi blong hem long wanfala pos. Evrisamting ya i kamap barava olsem wea Josef hemi bin talem fastaem.

Esra 4:15

mekem yu save talem olketa wakaman blong yu fo lukaotem olketa ripot abaotem disfala taon insaet long olketa buk wea olketa grani blong yu bifoa bin raetemdaon. Sapos yu duim olsem, bae yu faendemaot wea olketa pipol blong taon ya, oltaem olketa gohed fo agensim olketa hu i rul ovarem olketa. Disfala ravis wei blong olketa hemi stat kam long taem bifoa ka-kam kasem tude, an olketa ya i gohed fo mektrabol long olketa king an olketa lida blong provins ya olowe nomoa. Oltaem hemi had tumas fo rul ovarem olketa, dastawe nao olketa ami bifoa bin spoelem taon ya.

Esta 10:2

Olketa raetemdaon evri bikfala samting wea king bin duim an abaotem hao hemi mekem Modekae fo kamap bikman insaet long kingdom blong hem. Olketa raetem olketa stori ya insaet long ripot buk blong olketa king blong Pesia an Media. Olketa raetem tu ripot abaotem bikfala paoa blong King Sekses.

Esta 5:14

So, waef blong hem an olketa fren blong hem i tok olsem long hem, “Olketa wakaman mas wakem wanfala ples fo hangem man wea hae blong hem hemi kasem tuenti-faev mita. Tumoro long moning, bae yu save askem king, mekem olketa man blong hem i hangem Modekae long hem. An bihaen, bae yu jes hapi, taem yu go long fist ya.” Haman hemi herem plan ya an hemi hapi tumas. So hemi talem olketa man blong hem fo wakem wanfala ples fo hangem man long hem.

Esta 6:1

Long sem naet tu, king hemi no save slip, an hemi talem olketa wakaman blong hem fo go tekem kam buk wea olketa bin raetemdaon olketa bikfala samting wea hemi hapen insaet long kingdom blong hem, an ridim kam long hem.

Esta 7:10

Olketa tekem go Haman, an hangem hem nao long ples wea hemi bin mekem fo hangem Modekae long hem. Bihaen, kros blong king hemi jes finis nao.

Malakae 3:16

(Profet) So olketa hu i tinghae long Yawe, i tok tugeta. An Yawe hemi herem evrisamting wea olketa talem, an hemi mekem nem blong olketa hu i tinghevi long hem hemi stap long wanfala buk fo rimembarem olketa.

Josua 8:29

Long taem ya tu, olketa kilim dae paramaon sif blong Ai, an hangem bodi blong hem antap long tri go-go kasem ivining. An long ivining, Josua hemi talem olketa man blong hem fo tekemdaon bodi blong paramaon sif ya, an torowem go long geit blong bikfala wolston long taon ya. Olketa hipimap olketa ston antap long bodi blong hem, an hip ston ya hemi stap nomoa olsem ka-kam kasem tude.