Esta 10:3 - Pijin Deuterocanon

³ Modekae ya blong Jiu hemi kamap nambawan man blong King Sekses. An oltaem, olketa Jiu i tinghae fogud long hem, bikos hemi wakahad tumas fo mekem olketa pipol blong hem an olketa wea bae i bon kam bihaen fo stap gudfala.

Pijin Bible

³ Modekae ya blong Jiu hemi kamap nambawan man blong King Sekses. An oltaem, olketa Jiu i tinghae fogud long hem, bikos hemi wakahad tumas fo mekem olketa pipol blong hem an olketa wea bae i bon kam bihaen fo stap gudfala.

Esta 10:3 ပူးပေါင်းရင်းမြစ်များ

Jenesis 41:40

So bae mi putum yu fo kamap nambawan bikman blong mi fo lukaftarem kantri blong mi ya, an evri pipol blong mi mas obeim olketa toktok blong yu. An bae yu nao namba tu man long mi, an bae no eni man moa i garem paoa long kantri ya olsem yu.

Jenesis 45:10

Bae yu stap long Gosen, mekem yu stap kolsap long mi. Nao yu, wetem olketa brata blong mi, an olketa smol grani blong yu, an olketa animol blong yufala, an olketa narafala samting wea yu garem, yufala evriwan save stap long hia.

Jenesis 45:11

Sapos yufala kam an stap long Gosen, bae mi save lukaftarem yu gudfala. Hadtaem ya long hanggre bae hemi gohed yet fo faefala yia moa ya, an mi no laekem fo yu wetem olketa brata blong mi, an olketa animol blong yufala, bae i dae long hanggre.’”

2 Kronikols 28:7

Long datfala taem, Sikri hu hemi nambawan soldia blong Efrem, hemi kilim dae trifala bikman blong Jiuda olsem: Maasea, san blong King Ehas, an Asrikam wea hemi bikman long haos blong king, an Elkana wea hemi nambawan bikman blong king.

Nehemaea 2:10

Sanbalat, hu hemi man blong Bet-Horon, an Tobaea, hu hemi man blong Amon, tufala ya i bikman blong provins. Taem tufala herem nius wea mi kam fo mekem laef blong olketa long laen blong Israel fo kamap gudfala moa, tufala ya i kros tumas.

Esta 2:5

Oraet, wanfala man blong Jiuda hemi stap long Susa, wea nem blong hem nao Modekae. Hemi san blong Jaea, an Jaea hemi san blong Simei, wea grani blong hem nao Kis hu hemi wanfala long traeb blong Benjamin bifoa.

Esta 3:2

King hemi talem olketa bikman blong hem wea olketa mas tinghae long Praeminista Haman an oltaem olketa mas nildaon fo mekhae long hem. Olketa evriwan nao i gohed fo duim olsem, bat Modekae nomoa hemi les.

Daniel 5:16

Mi bin herem dat yu save talemaot mining blong olketa samting olsem, an yu save talemaot mining blong olketa samting wea hemi staphaed. Sapos yu save ridim raeting ya an talemaot mining blong hem long mi, bae mi mekem yu fo kamap mektri man fo rul insaet long disfala kingdom, an bae mi mekem yu fo werem olketa spesol kaleko blong king, an bae mi hangem wanfala gol sen long nek blong yu fo mekhae long yu.”

Daniel 5:29

Long datfala taem nomoa King Belsasa hemi talem olketa wakaman blong hem fo tekem kam olketa spesol kaleko blong king mekem Daniel hemi werem, an hangem wanfala gol sen long nek blong hem fo mekhae long hem. An hemi mekem Daniel fo kamap mektri man fo rul insaet long kingdom ya.

Daniel 6:3

Waka blong Daniel nao hemi barava gud tumas long ae blong king winim nara tufala hedman an olketa minista. So king hemi planem fo mekem hem fo kamap nambawan man long kingdom blong hem.

Leta wea Pol hemi raetem go long sios long Rom 10:1

Olketa Kristin fren, mi laekem tumas fo God bae hemi sevem olketa wantok blong mi, an mi prea go long God oltaem fo diswan hemi hapen.

Leta wea Pol hemi raetem go long sios long Rom 14:18

Eniwan hu hemi waka fo Kraes long wei olsem, bae God hemi hapi long hem an olketa pipol tu bae hapi long hem.

1 Samuel 18:16

Bat olketa pipol blong Jiuda an olketa pipol blong Israel tu i laekem hem tumas, bikos hemi wanfala lida wea hemi win olowe.

1 Samuel 23:17

Hemi tok olsem, “Yu no fraet. Dadi blong mi bae hemi no save spoelem yu. Hemi savegud dat yu nao bae yu kamap king blong Israel, an mi bae mi mektu long yu.”