Esta 10:2 - Pijin Deuterocanon

² Olketa raetemdaon evri bikfala samting wea king bin duim an abaotem hao hemi mekem Modekae fo kamap bikman insaet long kingdom blong hem. Olketa raetem olketa stori ya insaet long ripot buk blong olketa king blong Pesia an Media. Olketa raetem tu ripot abaotem bikfala paoa blong King Sekses.

Pijin Bible

² Olketa raetemdaon evri bikfala samting wea king bin duim an abaotem hao hemi mekem Modekae fo kamap bikman insaet long kingdom blong hem. Olketa raetem olketa stori ya insaet long ripot buk blong olketa king blong Pesia an Media. Olketa raetem tu ripot abaotem bikfala paoa blong King Sekses.

Esta 10:2 ပူးပေါင်းရင်းမြစ်များ

1 Kings 11:41

Olketa narafala stori abaotem King Solomon, wetem evrisamting wea hemi duim an olketa waes toktok blong hem, olketa raetemdaon long Buk Abaotem Olketa Samting King Solomon hemi Duim.

1 Kings 14:19

Olketa narafala samting wea King Jeroboam hemi duim, an olketa faet wea hemi mekem, an wei blong hem fo rul, evrisamting ya, olketa raetemdaon long Buk Abaotem Olketa Samting Olketa King blong Israel i Duim.

1 Kings 22:39

Olketa narafala samting wea King Ehab hemi duim, an olketa samting wea hemi wakem insaet long haos blong hem wea hemi dekoretem long bikfala tit blong elifan, an olketa taon wea hemi bildim olketa wolston raonem, olketa raetemdaon long Buk Abaotem Olketa Samting Olketa King blong Israel i Duim.

Esta 2:23

Taem olketa man blong king i faendemaot gudfala moa abaotem nius ya, olketa jes save dat samting ya hemi tru nao. So, olketa kasholem tufala, an hangem tufala dae. Nao king hemi talem olketa man blong hem fo raetemdaon ripot abaotem samting ya insaet long buk long olketa ripot blong evri impoten samting wea hemi hapen insaet long kingdom blong hem.

Esta 6:1

Long sem naet tu, king hemi no save slip, an hemi talem olketa wakaman blong hem fo go tekem kam buk wea olketa bin raetemdaon olketa bikfala samting wea hemi hapen insaet long kingdom blong hem, an ridim kam long hem.

Esta 8:15

Modekae hemi goaot from ples blong king, an hemi werem olketa spesol blu an waet kaleko blong king, an hemi werem tu wanfala longfala kaleko wea hemi papol, an hemi werem wanfala nambawan gol kraon. Nao evri pipol long evri ples insaet long Susa i gohed fo singaot bikfala, bikos olketa barava hapi tumas.

Esta 8:2

King hemi mekem Modekae fo kamap praeminista blong hem. An hemi tekemaot ring blong hem ya wea hemi garem spesol mak long hem, wea hemi bin tekem baek from Haman, an givim go long Modekae fo hemi yusim. An Esta hemi mekem Modekae fo lukaftarem olketa samting wea Haman hemi onam fastaem.

Esta 9:4

Evriwan long kingdom ya i save finis wea king bin siusim Modekae fo kamap praeminista, an distaem hemi kamap strong moa.

Sams 18:35

Lod Yawe, yu gohed fo lukaftarem mi, an fo sevem mi, nao mi stap gudfala long han blong yu. An bikos yu bin helpem mi, dastawe nao mi garem biknem.

Daniel 2:48

Hem nao king hemi haemapem Daniel fo kamap wanfala bikman blong hem, an hemi givim plande nambawan presen long hem. Hemi mekem Daniel fo kamap primia long provins long Babilon, an hemi mekem hem fo kamap hedman long evri waes man blong hem.