Esra 8:21 - Pijin Deuterocanon

²¹ Taem mifala stap long ples ya, long saet blong Ahava Riva, mi talem long olketa man hu i hipap long ples ya, wea mifala evriwan mas stop fo no kaikai, mekem mifala godaon long tingting blong mifala fo kam kolsap long God. Den mifala save askem hem fo kipim mifala sef long rod, an fo lukaftarem mifala, wetem olketa pikinini blong mifala, an evrisamting blong mifala.

Pijin Bible

²¹ Taem mifala stap long ples ya, long saet blong Ahava Riva, mi talem long olketa man hu i hipap long ples ya, wea mifala evriwan mas stop fo no kaikai, mekem mifala godaon long tingting blong mifala fo kam kolsap long God. Den mifala save askem hem fo kipim mifala sef long rod, an fo lukaftarem mifala, wetem olketa pikinini blong mifala, an evrisamting blong mifala.

Esra 8:21 ပူးပေါင်းရင်းမြစ်များ

2 Kronikols 20:3

Taem Jehosafat hemi herem nius ya, hemi fraet tumas, so hemi prea go long Yawe. Hemi sendem toktok go long olketa pipol blong Jiuda mekem olketa no kaikai long disfala spesol taem blong prea.

2 Kronikols 20:4

Nao pipol long evri taon blong Jiuda i kam long Jerusalem fo prea an askem Yawe fo helpem olketa.

Esra 8:15

Mi Esra mi kolem olketa pipol ya hu i laekem fo kam wetem mi fo hipap tugeta saet long smolfala riva wea hemi ran go long taon long Ahava, an mifala stap long ples ya fo trifala de. Mi faendemaot dat long olketa pipol ya, olketa prist nomoa i stap wetem mifala, bat no eni Livaet nao i stap.

Esra 8:31

Long mektuel de long fas mans, mifala goaot from Ahava Riva fo go long Jerusalem. Taem mifala gohed fo wakabaot, God blong yumi hemi blesim mifala tumas, an hemi gohed fo gadem mifala long rod from olketa enemi an olketa man hu i haed saet long rod fo stilim man an kilim man dae.

Nehemaea 9:1

Long mektuenti-foa de long sem mans ya, olketa evriwan blong Israel i hipap tugeta. Olketa gohed fo stop fo no kaikai, an werem ravis kaleko, an putum dast antap long hed blong olketa fo somaot dat olketa sore tumas from olketa sin blong olketa.

Esta 4:16

“Plis, yu kolem evri Jiu hu i stap long Susa fo kam tugeta. Bae yufala mas gohed fo prea kam fo mi fo trifala de an trifala naet, an yufala mas stop fo no kaikai an dring. Mi wetem olketa wakagele blong mi, bae mifala duim olsem tu. Nao long en long trifala de ya, nomata hemi agensim lo, bae mi go long king. An nomata sapos mi duim olsem an bae mi dae, letem mi dae nao.”

Sams 137:1

Taem mifala stap kam long Babilon, mifala bin si-sidaon long saet long olketa riva fo sore nomoa. So mifala hangem olketa gita blong mifala long olketa tri an gohed fo krae nomoa, bikos mifala tingimbaek tumas Saeon.

Sams 5:8

Lod Yawe, olketa enemi blong mi i plande tumas. Plis yu lidim mi fo duim olketa samting wea i stret, an plis yu mekem mi falom nomoa wanem yu laekem.

Sams 5:9

Olketa enemi blong mi i nating save talem eni tru samting; olketa laekem nomoa fo spoelem evrisamting. Olketa suit toktok blong olketa i save kilim man dae.

Sams 8:2

Nomata olketa pikinini an olketa bebi tu i gohed singsing fo preisim yu. Yu stap long wanfala strongfala sefples wea olketa enemi blong yu i no save faet agensim yu. An olketa wea i gohed fo agensim yu olketa no save spoelem yu.

Provebs 3:6

Tingim Yawe long evrisamting, an bae hemi stretem rod blong yu.

Aesaea 30:21

Nomata yufala tane go long lef o long raet, bae yufala save herem nomoa voes blong hem wea hemi tok kam olsem bihaen long yufala, “Rod blong mi nao ya. Yufala mas falom.”

Aesaea 35:8

Wanfala bikfala rod bae hemi stap long ples ya an bae olketa kolem, Holi Rod blong Yawe. Olketa nogud pipol an olketa krangge pipol bae i no wakabaot falom rod ya, bat olketa pipol hu i falom nomoa gudfala wei save falom Holi Rod blong Yawe.

Aesaea 42:16

Bae mi lidim olketa pipol blong mi hu i blaen fo falom olketa rod wea olketa nating save long hem. Bae mi mekem disfala tudak wea olketa stap insaet long hem fo kamap olsem delaet, an bae mi levolem olketa raf rod fo olketa. Hem nao olketa samting wea mi promis fo duim, an bae mi duim nao wanem mi bin promisim.

Aesaea 49:10

Bae olketa no hanggre moa, an olketa no dae moa fo wata. Ya, san an hot blong drae eria bae hemi no save spoelem olketa moa. Bikos mi sore long olketa, bae mi lidim olketa fo go long ples wea olketa gudfala springwata hemi stap long hem.

Aesaea 58:3

“Bat olketa gohed fo komplen olsem long mi, ‘Yu nating luksave nomoa long wei wea mifala stop fo no kaikai fo tinghae long yu. An yu nating lukim nomoa wei wea mifala daonem mifala seleva fo mekhae long yu. ?Waswe nao mifala gohed nomoa fo duim olsem?’ “Bat mi Yawe mi tok olsem long olketa: Ya, hemi tru wea yufala gohed fo lusim kaikai fo tinghae long mi, bat yufala gohed nomoa fo duim wanem yufala seleva i laek fo duim. An yufala gohed nomoa fo mekem olketa wakaman blong yufala fo safa.

Aesaea 58:5

Oltaem, taem yufala lusim kaikai fo tinghae long mi, yufala gohed fo mekem yufala safa tumas. Yufala baodaon go-go hed blong yufala hemi hangdaon, olsem lif blong longfala gras wea hemi hangdaon go-go kasem graon. An yufala putum asis blong faea long olketa ravis kaleko blong yufala, mekem yufala slip long hem. ?Waswe, yufala tingse hem nao wei fo lusim kaikai fo tinghae long mi? ?Yufala tingse mi hapi long olketa wei olsem? Nomoa nao.

Jeremaea 10:23

O Yawe. Mi save dat no eni man save mekem laef blong hem fo kamap barava olsem hemi laekem. Hemi kanduit kamap bos long laef blong hem.

Jeremaea 42:3

Plis yu prea, mekem Yawe God blong yu hemi somaot long yumi, wanem rod bae yumi falom, an wanem hemi laekem yumi fo duim.”

Daniel 9:3

Mi stop fo no kaikai, an mi werem olketa ravis kaleko, an mi go sidaon long asis blong faea fo somaot dat mi barava sore tumas. An mi prea go long Masta God, long evri tingting blong mi. Mi prea olsem go long Yawe hu hemi God blong mi, “God, yu nao yu Masta blong mifala. An yu nao yu barava hae tumas. Yu gohed fo kipim promis blong yu wea yu bin mekem, an yu gohed fo lavem olketa pipol hu i lavem yu, an olketa hu i falom olketa strongfala toktok blong yu.

Joel 1:14

Kolem olketa pipol fo kam tugeta, an tokstrong long olketa fo no kaikai. Ya, kolem olketa olo wetem evri pipol blong Jiuda, fo hipap kam long Tambuhaos blong Yawe hu hemi God blong yumi, an krae go long hem.

Levitikas 16:29

“Hem nao lo blong Bikde fo Tekemaot Sin wea yufala mas falom olowe. Evri yia, long mekseven mans, long mekten de blong hem, yufala blong Israel wetem olketa narafala pipol wea i stap wetem yufala, yufala evriwan mas no kaikai, an yufala mas no duim eni waka.

Levitikas 16:31

Disfala de hemi wanfala de wea yufala mas res gudfala long hem olsem wanfala Sabat de. So evri yia, long disfala de, hemi tambu fo yufala kaikai, an hemi tambu fo yufala duim waka. Olketa lo ya yufala mas falom olowe nao.

Levitikas 23:29

Sapos eniwan hemi brekem tambu long kaikai long disfala bikde, oraet, yufala mas aotem hem from pipol blong mi.

Jona 3:5

Olketa pipol blong Nineve i bilivim Mesij ya blong God. Nomata man hemi garem biknem o nomoa, olketa evriwan i stop from kaikai an werem ravis kaleko fo somaot dat olketa sore tumas.

Jona 3:7

Hemi sendemaot toktok blong hem go long olketa pipol blong Nineve wea hemi olsem, “Mi nao mi king blong yufala. An mi wetem olketa bikman blong mi, mifala odarem yumi evriwan, olketa pipol wetem olketa buluka an olketa sipsip blong yumi, bae yumi mas no kaikaim o dringim enisamting.

Nambas 14:3

?Fo wanem nomoa Yawe hemi wande fo tekem yumi go long datfala lan? Sapos yumi go faetem olketa, bae olketa kilim dae yumi evriwan, an bae olketa tekem evri waef an pikinini blong yumi. Hemi moabeta fo yumi gobaek long Ijip.”

Nambas 14:31

Yufala bin talem dat bae pipol blong Kenan save tekemaot olketa pikinini blong yufala, bat mi bae mi tekem go olketa pikinini ya fo stap long lan wea yufala les long hem.

Aposol 2:39

Bikos disfala promis blong God, hemi fo yufala an fo olketa pikinini blong yufala, an fo olketa hu i stap long farawe ples tu. Ya, disfala promis hemi fo evriwan wea God Masta blong yumi, hemi kolem olketa kam.”

Jajis 20:26

Nao ami blong Israel i gobaek moa long Betel an olketa barava filnogud tumas. Olketa gohed fo krae long Yawe an olketa no kaikaim enisamting go-go san hemi godaon. An olketa bonem olketa deferen kaen sakrifaes fo wosipim hem.

1 Samuel 7:6

So olketa evriwan i hipap long Mispa wetem Samuel hu hemi kamap sif blong olketa. An olketa tekem samfala wata an kapsaetem olsem hemi sakrifaes long Yawe. An olketa no kaikai fo wanfala fulde an olketa talemaot olsem olketa bin barava sin agensim Yawe.