Esra 4:1 - Pijin Deuterocanon

¹ Olketa enemi blong olketa pipol blong Jiuda an Benjamin i herem nius wea olketa hu i kambaek from Babilonia, i gohed fo bildimbaek moa Tambuhaos ya blong Yawe hu hemi God blong Israel.

Pijin Bible

¹ Olketa enemi blong olketa pipol blong Jiuda an Benjamin i herem nius wea olketa hu i kambaek from Babilonia, i gohed fo bildimbaek moa Tambuhaos ya blong Yawe hu hemi God blong Israel.

Esra 4:1 ပူးပေါင်းရင်းမြစ်များ

Esra 1:11

Namba long olketa samting ya wetem olketa narafala gol an silva samting wea Sesbasa hemi tekem, hemi kasem 5,400. Sesbasa hemi tekem olketa samting ya, long taem wea hem wetem olketa narafala pipol blong Israel i goaot from Babilonia, an gobaek moa long Jerusalem.

Esra 10:16

So olketa duim wanem nao olketa lida ya i talem, an Prist Esra hemi siusim nao olketa man hu i hed blong evri famili blong olketa, an hemi raetemdaon nem blong olketa. Nao long fas de long mekten mans, olketa mekem miting fo faendemaot hu nao bin maritim olketa hiden woman blong narafala kantri. An long fas de long fas mans blong niu yia, olketa finisim waka ya.

Esra 10:7

Olketa lida ya i sendem toktok go long evri ples long Jerusalem an long olketa narafala ples long Jiuda, fo talem dat evri man hu i kambaek from Babilonia, olketa mas kam long wanfala miting long Jerusalem.

Esra 3:13

An no eniwan save heremsave hu hemi singaot fo hapi an hu hemi krae, bikos noes ya wea olketa evriwan i mekem hemi bikfala tumas, mekem pipol hu i stap farawe save herem datfala bikfala noes.

Esra 6:16

Olketa prist wetem olketa Livaet an olketa narafala pipol blong Israel hu i kambaek from Babilonia, olketa mektambu long Tambuhaos ya blong God. Olketa hapi tumas, an mekem bikfala bikde fo selebretem.

Daniel 5:13

So, olketa tekem kam Daniel long king, an king hemi askem hem olsem, “?Waswe, yu nao Daniel wea grani blong mi King Nebukadnesa bin tekem kam from Jiuda?” An Daniel hemi tok olsem, “Ya, mi nao ya.”

Daniel 9:25

Yu mas save gud long diswan: Stat long taem wea disfala toktok hemi kamaot from profet abaotem taem fo bildimbaek moa Jerusalem, go-go kasem taem wea bae disfala man hu God hemi siusim hemi kamap, bae hemi kasem sevenfala seven yia (hem nao 49 yia). An long datfala taem, wea bae olketa bildimbaek moa Jerusalem, wetem olketa rod blong hem, an olketa strongfala sefples, bae hemi kasem siksti-tufala seven yia (hem nao 434 yia). Bat plande trabol bae hemi kamap.

1 Korin 16:9

Bikos distaem hemi gudfala taem long hia, mekem mi save duim plande gudfala waka tumas, nomata plande pipol tu olketa agensim mi.