Esra 3:1 - Pijin Deuterocanon

¹ Olketa pipol blong Israel wea i kambaek long lan blong olketa, i stapgud nao long olketa taon blong olketa. An taem mekseven mans long yia hemi kolsap kam, olketa evriwan i hipap tugeta long Jerusalem.

Pijin Bible

¹ Olketa pipol blong Israel wea i kambaek long lan blong olketa, i stapgud nao long olketa taon blong olketa. An taem mekseven mans long yia hemi kolsap kam, olketa evriwan i hipap tugeta long Jerusalem.

Esra 3:1 ပူးပေါင်းရင်းမြစ်များ

Nehemaea 7:72

An olketa narafala pipol i givim 170 kilo gol, an 1,100 kilo silva, an 67 spesol kaleko fo olketa prist.

Nehemaea 7:73

Olketa prist, an olketa Livaet, an olketa sekiuriti long olketa geit blong Tambuhaos, an olketa long kuaea blong Tambuhaos, an olketa wakaman blong Tambuhaos, olketa ya wetem olketa narafala pipol i gobaek long olketa ples wea laen blong olketa bin stap long hem bifoa. Long taem wea hemi kolsap kasem mekseven mans blong yia ya, olketa long laen blong Israel i stap gud long olketa vilij blong olketa moa.

Nehemaea 8:1

Long datfala taem, olketa pipol i kam long Jerusalem fo hipap tugeta long bikfala open eria frant long Wata Geit ya. Olketa kolem kam Prist Esra, hu hemi tisa blong Lo wea God hemi talem kam long Mosis fo olketa pipol blong Israel mas obeim, an olketa askem hem fo tekem kam disfala buk blong Lo.

Nehemaea 8:14

wea Yawe hemi bin talem long Mosis fo talemaot long olketa long Israel bifoa. Olketa faendemaot wea Mosis hemi raetem long buk ya, wea evri yia long mekseven mans, long taem fo mekem bikde, olketa mas stap long olketa smolfala lif haos wea olketa wakem.

Levitikas 16:29

“Hem nao lo blong Bikde fo Tekemaot Sin wea yufala mas falom olowe. Evri yia, long mekseven mans, long mekten de blong hem, yufala blong Israel wetem olketa narafala pipol wea i stap wetem yufala, yufala evriwan mas no kaikai, an yufala mas no duim eni waka.

Levitikas 23:24

“Talem olketa long Israel, wea evri yia, long mekseven mans long fas de blong hem, yufala mas kipim de ya hemi holi an res nomoa long hem. Taem yufala herem trampet hemi krae bikfala fo makem disfala bikde, yufala evriwan mas kam tugeta fo wosipim mi.

Sefenaea 3:9

?Bae mi mekem toktok blong olketa pipol blong olketa kantri fo kamap stret, mekem olketa prea kam long mi Yawe nomoa. An bae olketa ya save obeim mi tugeta.

Aposol 2:46

Long evri de, olketa save hipap tugeta long disfala Tambuhaos blong God. An olketa gohed fo kaikai tugeta long olketa deferen haos blong olketa, an olketa save hapi tumas, an olketa save helpem eniwan long kaikai nomoa.

Aposol 4:32

Nao olketa pipol hu i biliv, olketa stap wanmaen, an no eniwan hemi tingim olsem enisamting hemi garem, hemi blong hem seleva nomoa. Nomoa ya. Olketa samting blong olketa, hemi blong olketa evriwan nomoa ya.

1 Korin 1:10

Nao olketa Kristin fren, mi tokstrong long yufala long nem blong Jisas Kraes Masta blong yumi. Yufala mas finis nao from diskaen wei wea yufala divaed olobaot ya, an yufala mas stat fo agri long toktok blong yufala. Yufala mas barava wanmaen finis go-go yufala garem wankaen tingting nomoa an wankaen wei blong yufala nomoa.

Diutronomi 16:16

“Evri yia, yufala olketa man, yufala mas kam trifala taem long datfala tambuples wea Yawe hemi siusim. Trifala taem ya, hem nao Fist blong Pasova, an Bikde blong Sevenfala Wik, an Bikde fo Stap long Smolfala Lif Haos. Long trifala fist ya, no eniwan save kam nating,

Jajis 20:1

Evri pipol blong Israel i kam tugeta olsem wanfala grup an olketa kam tugeta frant long Yawe long Mispa. Olketa kam from evri ples, stat long taon long Dan long not, an long taon long Beereseba long saot, an long eria long Gilead long ist.