Esra 1:9 - Pijin Deuterocanon

⁹ Olketa samting ya wea hemi kaontem hemi olsem: 30 gol besin, an 1,000 silva besin, an 29 narakaen besin,

Pijin Bible

⁹ Olketa samting ya wea hemi kaontem hemi olsem: 30 gol besin, an 1,000 silva besin, an 29 narakaen besin,

Esra 1:9 ပူးပေါင်းရင်းမြစ်များ

1 Kings 7:50

an olketa dis, an olketa samting fo kilim lam, an olketa dis fo karim insens, an olketa savol fo karim asis wea hemi gohed fo laet. An olketa hins blong tufala doa blong Barava Tambu Rum, an blong tufala doa blong bikfala rum blong Tambuhaos.

2 Kings 25:15

An Nebusaradan hemi tekem olketa baol an olketa samting fo holem insens wea olketa bin wakem long nambawan gol an silva.

2 Kronikols 24:14

Taem olketa wakembaek Tambuhaos finis, olketa gol an silva wea i stap yet, olketa givim gobaek long king an Jehoeada. Tufala yusim fo mekem olketa tambu samting fo yusim long Tambuhaos blong Yawe. Hem nao olketa samting fo mekem sakrifaes wea hemi bone, an olketa besin, an olketa narafala samting long gol an silva. Long taem wea Prist Jehoeada hemi stap laef yet, olketa bonem olketa sakrifaes olowe nomoa long Tambuhaos blong Yawe.

2 Kronikols 4:11

An olketa wakem finis tu olketa baket fo holem asis, an olketa savol, an olketa besin. So Huram hemi finisim evri waka wea King Solomon hemi kolem hem kam fo duim long Tambuhaos blong God.

Esra 1:10

an 30 gol baol, an 410 silva baol wea i semkaen olsem olketa gol baol, an 1,000 narafala samting.

Esra 8:26

Olketa samting wea mi givim long olketa i olsem: Silva, wea hevi blong hem hemi kasem 22,100 kilo. Olketa samting wea olketa wakem long silva, wea hevi blong olketa hemi kasem 3,400 kilo. Gol, wea hevi blong hem hemi kasem 3,400 kilo.

Esra 8:27

Tuenti baol wea olketa wakem long gol, wea hevi blong olketa i kasem eit an haf kilo. Tufala barava naes besin wea olketa wakem long nambawan bras wea hemi saen gud tumas, an praes blong tufala hemi semsem olsem praes blong besin wea olketa wakem long gol.

Esra 8:30

So olketa prist an olketa Livaet i tekem olketa silva an gol samting ya wea mi bin skelem, mekem olketa karim go long Tambuhaos blong God blong yumi long Jerusalem.

Matiu 14:8

So falom wanem mami blong hem hemi talem finis, hemi talem long Herod olsem, “Mi laekem yu fo givim kam hed blong Jon Baptaes long wanfala plet distaem nao.”