Esikiel 39:8 - Pijin Deuterocanon

⁸ “Mi Lod Yawe mi tok tru: !Disfala de bae hemi kam! Evrisamting ya, bae hemi hapen long barava taem olsem wea mi bin tokabaotem.

Pijin Bible

⁸ “Mi Lod Yawe mi tok tru: !Disfala de bae hemi kam! Evrisamting ya, bae hemi hapen long barava taem olsem wea mi bin tokabaotem.

Esikiel 39:8 ပူးပေါင်းရင်းမြစ်များ

Aesaea 46:10

Longtaem bifoa yet, mi talemaot finis olketa samting wea hemi hapen. Longtaem bifoa, mi talemaot finis olketa samting wea bae hemi hapen bihaen. Mi talem finis dat olketa plan blong mi bae hemi kam tru, an bae mi duim evrisamting wea mi laekem.

Esikiel 33:33

Taem olketa samting hemi hapen, an bae olketa samting mas hapen, bae olketa jes save dat wanfala tru profet bin stap kam long midol long olketa.”

Esikiel 38:17

“Lod Yawe nao hemi tok olsem: Bifoa kam, olketa profet hu i wakaman blong mi bin gohed fo talemaot profesi abaotem yu. Ya, olketa bin gohed fo talem dat bae yu kam fo faet agensim olketa pipol blong mi.”

Esikiel 39:7

“Bae mi mas mekem olketa pipol blong mi long Israel i save dat nem blong mi hemi holi, an bae mi no letem olketa fo mekravis moa long hem. An olketa pipol blong olketa kantri bae i save dat mi nao Yawe, holi God blong Israel.

Esikiel 39:9

Olketa hu i stap long olketa taon long Israel, bae i tekem olketa wepon blong olketa enemi. Bae olketa tekem olketa bikfala sil, an olketa smolfala sil, an olketa bou, an olketa aro, an olketa spia, an olketa stik, an hipimap olsem faeawud blong olketa. Olketa garem plande faeawud fitim fo yusim fo sevenfala yia, bikos olketa samting ya i plande fogud.

2 Pita 3:8

Olketa fren, wanfala samting nomoa yufala mas tingim. Long tingting blong Masta, 1,000 yia hemi olsem wanfala de nomoa, an wanfala de hemi olsem 1,000 yia.

Revelesin 16:17

Nao mekseven enjel hemi go kapsaetem baol blong hem long ea. An mi herem wanfala voes long tron insaet long tambuhaos, hemi singaot olsem, “!Hemi finis nao!”

Revelesin 21:6

An hemi talem olsem moa, “Ya, evrisamting hemi finis nao. Mi nao mi faswan bifoa evrisamting, an bae mi laswan tu bihaen evrisamting ya. Ya, mi nao statem evrisamting an bae mi nao finisim evrisamting tu. Sapos eniwan hemi laek fo dring, bae mi letem hem fo dring fri long disfala springwata blong laef.