Esikiel 38:2 - Pijin Deuterocanon

² “Man blong graon. Luk go long kantri long Megog, an yu mas talemaot disfala profesi agensim King Gog, hu hemi king blong olketa long laen blong Mesek, an laen blong Tubal, long kantri long Megog.

Pijin Bible

² “Man blong graon. Luk go long kantri long Megog, an yu mas talemaot disfala profesi agensim King Gog, hu hemi king blong olketa long laen blong Mesek, an laen blong Tubal, long kantri long Megog.

Esikiel 38:2 ပူးပေါင်းရင်းမြစ်များ

Jenesis 10:2

Olketa laen blong Jafet, nem blong olketa nao hemi, Goma, an Megog, an Madae, an Javan, an Tubal, an Mesek, an Tiras. An olketa laen wea olketa gohed fo garem olketa nem ya olketa bon kam long laen blong olketa ya.

1 Kronikols 1:5

Olketa san blong Jafet i olsem: Goma, an Megog, an Madae, an Javan, an Tubal, an Mesek, an Tiras.

Sams 120:5

Hemi barava nogud tumas sapos mi stap wetem yufala. Bae hemi barava nogud olsem sapos mi stap kam farawe wetem olketa raf hiden pipol long narafala kantri long Mesek o long Kedaa.

Aesaea 66:19

Bae olketa save dat mi nao mi somaot olketa samting ya mekem olketa lukim. Bat olketa hu i laef yet, bae mi sendem olketa go long olketa farawe kantri olsem long Spen, an long Libia, an long Lidia wea olketa man long hem i save faet long bou, an long Tubal, an long Gris, wea olketa pipol i no herem yet nem blong mi, an i no lukim yet saen long bikfala paoa blong mi. An bae olketa talemaot abaotem bikfala paoa blong mi.

Esikiel 2:1

Yawe hemi tok olsem, “Man blong graon. Stanap. Mi wande tok wetem yu.”

Esikiel 20:46

“Man blong graon. Luk go long saot an talemaot profesi agensim olketa bus wea i stap long dea.

Esikiel 25:2

“Man blong graon. Luk go long kantri blong Amon, an talemaot profesi agensim olketa pipol blong hem.

Esikiel 27:13

“Olketa blong olketa kantri long Gris, an Tubal, an Mesek i gohed fo mekem bisnis wetem yu, bikos olketa salem olketa slev an olketa samting wea olketa mekem long bras fo olketa gudfala samting wea yu garem.

Esikiel 32:26

“An pipol blong tufala kantri long Mesek an Tubal tu i stap nao. Raonem olketa, olketa grev blong evri soldia blong tufala hu i dae long faet nao i stap. Olketa ya evriwan i dae nomoa olsem wael dog. Olketa evriwan i dae long faet, bikos taem olketa laef yet, olketa gohed fo mekem olketa pipol barava fraet tumas.

Esikiel 38:1

Yawe hemi talemaot Mesij blong hem long mi. Hemi tok olsem,

Esikiel 38:14

“Man blong graon. From disfala samting nao, yu mas talemaot disfala profesi long King Gog wea mi Lod Yawe nao mi tok olsem: Long datfala taem, bae olketa pipol blong mi i sef an stap gud nomoa. An bae yu luksave long hem.

Esikiel 38:3

Yu talem hem dat mi Lod Yawe nao mi tok olsem: !King Gog! !Mi nao mi agensim yu!

Esikiel 39:1

Yawe hemi tok moa olsem long mi, “Man blong graon. Talemaot disfala profesi long King Gog wea mi Lod Yawe nao mi tok olsem: King Gog, king blong olketa long laen blong Mesek, an laen blong Tubal, mi nao mi agensim yu.

Esikiel 39:11

Yawe hemi gohed fo tok olsem long mi, “Long taem wea olketa samting ya hemi hapen, bae mi makem wanfala pisgraon long Israel long ist saet long si, fo berem King Gog an olketa soldia blong hem. Nem blong ples ya nao hemi Vali fo Wakabaot, an bae pipol no save wakabaot moa long hem bikos olketa berem Gog wetem bikfala ami blong hem long vali ya. Hem nao bae olketa kolem ples ya long Vali blong Hamon-Gog.

Esikiel 39:6

Bae mi sendem kam faea long disfala kantri blong yu Megog, an long olketa ples kolsap long solwata wea olketa pipol i stap gud nomoa long hem, mekem evriwan ya savegud dat mi nao Yawe.

Esikiel 6:2

“Man blong graon. Luk go long olketa maonten ya blong Israel, an talemaot disfala profesi blong mi agensim olketa.