Esikiel 19:3 - Pijin Deuterocanon

³ Hemi lukaftarem wanfala pikinini blong hem, go-go hemi kamap wanfala strong laeon. Hemi tisim hem fo kasholem an pisisim kaikai blong hem, an hemi kamap wanfala bikfala laeon wea hemi save kaikaim man.

Pijin Bible

³ Hemi lukaftarem wanfala pikinini blong hem, go-go hemi kamap wanfala strong laeon. Hemi tisim hem fo kasholem an pisisim kaikai blong hem, an hemi kamap wanfala bikfala laeon wea hemi save kaikaim man.

Esikiel 19:3 ပူးပေါင်းရင်းမြစ်များ

2 Kings 23:34

Den hemi tekem Eliakim, wanfala narafala san blong King Josaea, an hemi mekem fo sensim dadi blong hem fo kamap king long Jiuda. An hemi sensim nem blong Eliakim, hemi mekem olketa kolem hem Jehoeakim. Hemi tekem Jehoahas go long Ijip, an Jehoahas hemi dae long dea.

Esikiel 19:2

!O King! ?Wanem nao mami blong yu? Hemi olsem wanfala mere laeon. Hemi leidaon long midol long olketa laeon. Hemi lukaftarem gudfala olketa pikinini blong hem long midol long olketa yang laeon.

Esikiel 19:4

Pipol blong olketa narafala kantri i herem nius abaotem laeon ya. So, olketa kasholem hem insaet hol long graon wea olketa digim fo hemi foldaon insaet. Olketa hukum hem, an pulum hem go long Ijip.

Esikiel 19:6

Taem hemi kamap bikfala, hemi wakabaot wetem olketa narafala laeon. Hemi lanem tu hao fo kasholem kaikai blong hem, an hemi save kaikaim man tu.

Esikiel 22:25

Olketa profet blong Israel i mekem ravis plan fo spoelem pipol olsem olketa hanggre laeon wea i mekem bikfala noes taem olketa kaikaim mit blong animol wea olketa kilim dae. Olketa kilim pipol dae, an tekem seleni blong olketa wetem evri narafala samting tu. Plande man nao olketa kilim dae, mekem plande woman i kamap wido.

Esikiel 32:2

“Man blong graon. Kraeaot bikfala abaotem disfala king blong Ijip, an talem hem olsem: !King! Yu tingse yu olsem wanfala strong laeon long midol long olketa pipol blong olketa narafala kantri, bat nomoa ya. Yu olsem nomoa wanfala krokodael long riva, wea hemi gohed fo mekem wata fo go olobaot, an hemi gohed fo mekem riva hemi mad fogud.

Sekaraea 11:3

Olketa man fo lukaftarem sipsip i filnogud an krae tumas, bikos olketa ples wea i garem gudfala gras long hem i lus finis. Olketa laeon tu i krae, bikos bikfala bus kolsap long Jodan Riva, wea hemi ples blong olketa, hemi kamap nogud finis.

Diutronomi 33:22

Traeb blong Dan, yufala nao i olsem wanfala yang laeon blong Basan. Kuiktaem nomoa yufala save go spoelem olketa enemi blong yufala.