Esikiel 10:5 - Pijin Deuterocanon

⁵ Noes long wing blong olketa enjel ya hemi bikfala tumas, mekem man save herem nomata hemi stanap farawe kam narasaet long bikfala open eria blong Tambuhaos. Noes ya hemi bikfala olsem voes blong Yawe hu hemi garem evri paoa taem hemi gohed fo tok.

Pijin Bible

⁵ Noes long wing blong olketa enjel ya hemi bikfala tumas, mekem man save herem nomata hemi stanap farawe kam narasaet long bikfala open eria blong Tambuhaos. Noes ya hemi bikfala olsem voes blong Yawe hu hemi garem evri paoa taem hemi gohed fo tok.

Esikiel 10:5 ပူးပေါင်းရင်းမြစ်များ

1 Kings 7:9

Olketa haos ya olketa wakem long olketa nambawan ston, stat long faondesin go kasem antap. Olketa ston ya, olketa barava katem stret mekem olketa fit gudfala nomoa. Olketa yusim olketa nambawan bikfala ston ya fo wakem aotsaet blong olketa haos an bikfala open eria raonem olketa haos.

2 Kronikols 4:9

An olketa wakem wanfala open eria wea i garem wolston aotsaet long Tambuhaos. Open eria ya hemi fo olketa prist nomoa. An olketa wakem wanfala wolston raonem bikfala open eria aotsaet long Tambuhaos. Olketa geit fo go long tufala open eria ya, olketa kavarem long bras.

Stori abaotem Job 40:9

?Waswe, yu tingse yu strong olsem mi? ?Yu save tok bikfala nomoa olsem mi, wea voes blong mi hemi olsem tanda?

Sams 77:17

Long taem yu ka-kam ya olketa klaod i mekem bikfala ren, an tanda hemi bosta long skae, an laetning hemi sut evriwea olsem olketa aro.

Eksodas 19:16

Long moning blong mektri de ya, olketa lukim bikfala laetning hemi laet, an tanda hemi bosta, an bikfala klaod hemi kavaremap maonten ya. An olketa herem tu bikfala noes blong trampet fo somaot dat God hemi kam fo mitim olketa. An evri pipol hu i stap long ples ya i fraet an seksek fogud long hem.

Eksodas 19:19

Saon blong trampet ya hemi kamap bikfala moa. An evritaem Mosis hemi toktok, God hemi ansarem hem long bikfala tanda wea hemi bosta.

Aesaea 6:8

Lod God hemi tok olsem, “?Hu nao bae mi sendem? ?An hu nao bae hemi go fo talemaot toktok blong yumi?” Mi tok olsem, “!Mi long hia! !Yu sendem mi!”

Esikiel 1:24

Taem olketa flae, mi herem noes long wing blong olketa hemi here olsem noes blong bikfala wev taem hemi brek antap long rif. An hemi olsem tu noes blong bikfala ami taem olketa faet, an hemi olsem tu voes blong God hu hemi garem evri paoa. Taem olketa stanap kuaet, olketa daonem wing blong olketa.

Esikiel 10:6

Taem Yawe hemi talem long man ya hu hemi werem barava nambawan kaleko fo go tekem faea wea hemi stap long midol long olketa wil ya andanit long olketa enjel, hemi go an stanap nomoa saet long wanfala long olketa wil ya.

Esikiel 40:17

Den man ya hemi tekem mi go insaet long bikfala open eria aotsaet long Tambuhaos. Olketa mekem tetifala rum insaet, bihaen long bikfala wol wea hemi stap raonem datfala bikfala open eria. Frant long olketa rum ya an raonem disfala bikfala open eria, olketa putum olketa flat ston fo mekem floa wea pipol save wakabaot long hem.

Esikiel 46:21

Den hemi tekem mi go long disfala bikfala open eria long aotsaet, an som fofala kona long open eria ya. Long fofala kona evriwan, hemi garem smol eria wea hemi garem wol raonem. Longfala blong fofala smol eria evriwan hemi tuenti mita, an waed blong fofala ya hemi fiftin mita. Insaet long fofala smol eria ya, olketa garem olketa ples fo faea wea olketa mekem saet long wol.