Emos 6:13 - Pijin Deuterocanon

¹³ Oltaem yufala praod tumas an sei wea yufala winim finis taon long Lodeba long faet. An yufala gohed fo tok tokpraod olsem, ?Mifala i strong tumas, dastawe nao mifala winim taon long Kanaem long faet.?

Pijin Bible

¹³ Oltaem yufala praod tumas an sei wea yufala winim finis taon long Lodeba long faet. An yufala gohed fo tok tokpraod olsem, ?Mifala i strong tumas, dastawe nao mifala winim taon long Kanaem long faet.?

Emos 6:13 ပူးပေါင်းရင်းမြစ်များ

2 Kings 13:25

Den King Jehoas hemi go faetem Ben-Hadad trifala taem. An hemi winim hem long trifala faet ya, an hemi tekembaek olketa taon wea Hasael hemi bin tekemaot from dadi blong hem, King Jehoahas.

2 Kings 14:25

Disfala mektu Jeroboam, hemi tekembaek olketa lan blong Israel stat long Lebo-Hamat long not, go kasem Ded Si long saot. Hemi duim falom Mesij blong Yawe, God blong Israel. Wakaman blong Yawe nao, Jona san blong Amitae, hu hemi profet blong Gat-Hefa, hemi bin talemaot disfala toktok blong Yawe.

Stori abaotem Job 31:25

Mi nating filpraod nomoa long plande samting wea mi garem bikos mi bin wakahad.

Stori abaotem Job 31:29

Mi nating hapi taem olketa enemi blong mi i safa, an mi nating hapi nomoa taem trabol hemi kasem olketa.

Stori abaotem Job 8:14

Olketa pipol ya i trastem nomoa wanem hemi nating strong nomoa. Hemi save brek isi nomoa olsem string long haos blong spaeda.

Stori abaotem Job 8:15

Taem man hemi trastem olketa samting blong hem, hemi olsem hemi holem string long haos blong spaeda go-go hemi brekem an man hem foldaon.

Sams 2:2

Olketa king long disfala wol i mekredi nao fo faet. Olketa hu i rulim olketa pipol long wol i joen tugeta nao fo faet. Olketa redi fo faet agensim Yawe an disfala king ya wea hemi bin siusim fo duim waka blong hem.

Sams 75:4

Mi talem long olketa nogud pipol ya fo no praod,

Sams 75:5

an mi talem stret long olketa, fo no tokpraod moa.”

Eklesiastes 11:9

Olketa yanga, yufala mas hapi taem yufala yang yet. Taem yufala yang, yufala mas duim olketa gudfala samting wea hemi save mekem yufala hapi. Hemi gud fo yufala falom wanem haat blong yufala hemi laekem, an yufala duim olketa samting wea yufala laek fo duim. Bat yufala mas tingim dat God bae hemi jajem yufala falom olketa samting wea yufala tingim an duim.

Aesaea 7:1

(Profet) Ehas hemi san blong King Jotam, an Jotam nao hemi san blong King Yusaea. Long taem wea Ehas hemi king long Jiuda, Peka hu hemi san blong King Remalaea nao hemi king long Israel. An long datfala taem, King Peka wetem olketa pipol blong Israel i joen wetem King Resin wetem olketa pipol blong Siria fo go faetem Jerusalem, bat olketa no save winim taon ya.

Aesaea 7:4

Yu mas tok olsem long hem, ‘!King Ehas! !Yu mas no wari o fraet! Tingting blong yu mas no wikdaon. !Yu lisin kam! Yu no fraetem tufala king ya Resin wetem Peka. Kros blong tufala fo yu hemi olsem smok blong tufala pis sakol wea hemi kolsap dae nao.

Aesaea 8:6

“!Yu lukim! Olketa pipol ya i agensim mi nao, bat mi nao mi olsem disfala gudfala wata blong Siloa wea hemi ran gudfala tumas. Olketa no laekem gudfala wei blong mi, bikos olketa hapi tumas long King Resin blong Damaskas an King Peka blong Samaria.

Jeremaea 50:11

Yawe hemi gohed fo tok olsem, “Olketa blong Babilonia. Bifoa, taem yufala winim pipol blong mi, an tekemaot evri gudfala samting blong olketa, yufala hapi tumas olsem yangfala mere buluka wea hemi jam olobaot fo hapi taem hemi step long hed blong wit fo klinimaot olketa sid blong wit ya. Ya, yufala bin gohed fo laf olsem strongfala man hos wea hemi singaot fo hapi.

Jeremaea 9:23

Yawe nao hemi tok moa olsem, “Olketa waesman mas no tokpraod abaotem waes blong olketa. Olketa strongfala man mas no tokpraod abaotem strong blong olketa. An olketa risman mas no tokpraod abaotem risis blong olketa.

Esikiel 29:3

Yu talem olketa dat mi Lod Yawe nao mi tok olsem: !King blong Ijip! Mi nao mi agensim yu. Yu olsem wanfala bikfala krokodael wea hemi gohed fo slip long botom blong Nael Riva. An yu gohed fo tok olsem, ‘!Riva ya hemi blong mi nao! !Mi nao mi mekem fo mi seleva!’

Esikiel 29:9

Ya, bae Ijip hemi kamap wanfala drae eria nomoa, wea no eniwan save stap moa long hem. From samting ya nao, bae olketa savegud dat mi nao Yawe. “Yu tok olsem, ‘!Riva ya hemi blong mi nao! !Mi nao mi mekem fo mi seleva!’

Daniel 4:27

So King, plis yu falom toktok blong mi ya. Yu mas lusim olketa ravis wei blong yu, an yu mas sore long olketa wea yu bin daonem olketa, an yu mas duim nomoa wanem hemi stret. Sapos yu duim olsem, maet yu save gohed fo stap gudfala.”

Daniel 4:30

An hemi tok olsem, “!Maewat! !Babilon hemi wanfala bikfala taon ya! Mi nao mi bildim bikfala taon ya blong mi, fo somaot bikfala paoa blong mi wea mi nao mi king, an mi garem hae nem, mekem olketa pipol save tinghae long mi.”

Jona 4:6

Yawe God hemi mekem wanfala vaen tri fo grouap bikfala kolsap long Jona, an tri ya hemi givim sado long hem, mekem Jona hemi filgud moa. Jona hemi barava hapi tumas long tri ya.

Sefenaea 3:11

An yufala olketa pipol blong mi, long datfala taem, bae yufala no save sem long wei yufala bin agensim mi bifoa. Bikos bae mi tekemaot olketa hu i praod an bikhed, an bae yufala no agensim mi moa long holi maonten blong mi.

Sekaraea 1:19

An mi askem enjel wea hemi gohed fo tok wetem mi olsem, ??Wanem nao mining blong olketa samting ya?? Hemi ansa olsem, ?Hem nao olketa narafala kantri wea i garem paoa, an olketa ronemaot olketa pipol blong Jiuda, an pipol blong Israel, an pipol blong Jerusalem.?

Gudnius abaotem Jisas Kraes wea Jon hemi raetem 16:20

Mi talem yufala tru samting nao, bae yufala sore an krae bikfala, bat olketa pipol long disfala wol bae olketa hapi nomoa. Bae yufala sore, bat bihaen, bae sore blong yufala hemi finis an bae yufala hapi moa.

Jemes 4:16

Bat yufala praod tumas an yufala sei dat yufala save finis long wanem bae hemi hapen. Diskaen wei hemi nogud tumas.

Revelesin 11:10

An taem olketa pipol long wol, olketa herem dat tufala profet ya dae finis, bae olketa barava hapi fogud. Bae olketa mekem fist an gohed fo givim olketa presen long olketa seleva. Bikos tufala profet ya i bin mekem plande pipol long wol fo barava safa tumas.

Jajis 9:27

Nao olketa go long olketa plantesin blong grep an tekemaot olketa frut blong hem fo mekem waen. Long datfala taem, olketa mekem wanfala fist insaet long haos blong god blong olketa. Long fist ya olketa gohed fo kaikai an dring, an olketa tokspoelem Sif Abimelek.

1 Samuel 4:5

Taem olketa blong Israel i lukim dat Tambu Boks blong Yawe hemi kasem ples ya, olketa singaot bikfala bikos olketa hapi tumas, an hemi olsem wea graon hemi seksek.