Emos 6:11 - Pijin Deuterocanon

¹¹ Yawe hemi givim oda finis, an bae olketa brekemdaon finis olketa bikfala haos an daonem olketa smolfala haos long olketa smolfala pis.

Pijin Bible

¹¹ Yawe hemi givim oda finis, an bae olketa brekemdaon finis olketa bikfala haos an daonem olketa smolfala haos long olketa smolfala pis.

Emos 6:11 ပူးပေါင်းရင်းမြစ်များ

2 Kings 25:9

Hemi bonem Tambuhaos blong Yawe, an haos blong king, an olketa haos long Jerusalem. Hemi bonem evri impoten haos long taon ya.

Sams 105:16

Yawe hemi sendem kam hadtaem long hanggre long lan blong olketa, an hemi tekemaot tu evri kaikai blong olketa.

Sams 105:31

Yawe hemi tok nomoa, an olketa flae an olketa moskito i kavaremap evri ples long kantri ya nao.

Sams 105:34

Hemi tok nomoa an olketa grashopa i kam, an olketa no save kaontem nao.

Eklesiastes 10:18

Taem man hemi les tumas, wata bae kamtru long ruf blong haos, an ruf bae hemi foldaon.

Aesaea 13:3

Bikos mi kros tumas long olketa ya, hem nao mi tokstrong long olketa strongfala soldia wea mi bin makem olketa fo faet, an olketa hapi tumas long biknem blong mi.”

Aesaea 55:11

Toktok blong mi bae hemi olsem tu. Bae evrisamting wea mi talem mas hapen nao olsem wea mi bin planem. An wanem mi talem, hemi no save mis. Ya, bae evrisamting wea mi talem mas hapen nao olsem wea mi laekem.

Hosia 13:16

Bae mi mas panisim olketa blong Samaria, bikos oltaem nomoa olketa gohed fo agensim mi. Bae olketa enemi i kam an kilim dae evriwan long faet. Bae olketa torowem evri pikinini blong olketa long graon, an bae olketa kasholem olketa waef blong olketa wea i babule, an splitim bele blong olketa open.”

Emos 3:15

Bae mi spoelem finis olketa bikfala haos blong olketa an olketa smolfala haos tu. An bae mi spoelem finis evri nambawan haos wea olketa dekoretem gud long evri gudfala samting.? Hem nao mesij blong Yawe.

Emos 5:11

Oltaem, hemi olsem wea yufala step nomoa long olketa puaman an yufala stilim kaikai blong olketa tu long disfala wei wea yufala gohed fo ravem olketa. From diswan nao, bae yufala no save stap insaet long olketa haos wea yufala bin wakem long ston, an yufala no save dringim waen long olketa gudfala grep tri wea yufala bin plantem.

Emos 6:8

Lod Yawe, God hu hemi garem evri paoa, hemi promis finis long nem blong hem seleva. Hem ya mesij blong Yawe, ?Mi barava les tumas long praod wei blong olketa pipol blong Israel, an mi nating hapi long olketa strongfala sefples ya blong olketa. So, kapitol blong olketa an evrisamting wea hemi stap insaet bae mi givim go long olketa enemi blong olketa.?

Emos 9:1

(Profet) Mi lukim wanfala spesol drim moa, wea Masta hemi som long mi. Long datfala spesol drim, mi lukim dat hemi stanap kolsap long olta ya long Tambuhaos an hemi tokstrong olsem, ?Hitim antap long tufala bikfala pos long frant blong Tambuhaos ya, mekem faondesin blong hem fo seksek tumas. Brekemdaon tufala pos ya, mekem tufala foldaon go antap long hed blong olketa pipol hu i stap long hia. An olketa hu i no dae long datfala taem, bae mi kilim olketa dae taem olketa go long faet. No eniwan long olketa bae hemi save ranawe from hia o haed. Ya, evriwan mas dae.

Emos 9:9

Yawe hemi tok moa olsem, ?Bae mi tokstrong long olketa enemi fo panisim olketa nogud pipol blong Israel, olsem wea man hemi kapsaetem sanbis fo gotru long netwaea fo aotem olketa ston from hem. Olsem wea no eni ston save gotru long netwaea, bae no eniwan long olketa nogud pipol save mis from disfala panis.

Neiham 1:14

Yawe nao hemi tok olsem agensim olketa pipol blong Nineve, “Bae yufala no garem pikinini fo kipim nem blong yufala. Olketa kaving wea i stap long olketa tambuhaos blong yufala ya, bae mi spoelem evriwan. Bae mi digim grev fo yufala, bikos hemi no fitim nao fo yufala laef.”

Malakae 1:4

Sapos olketa blong Idom hu i bon kam bihaen long Iso i tok olsem, ?Nomata olketa taon blong yumi i smas finis long graon, bat yumi save wakembaek moa.? Bat bae Yawe hu hemi garem evri paoa, hemi tok olsem, ?Sapos olketa bildimbaek moa, bae mi spoelem nomoa. An bae pipol i kolem Idom long nem ya ?Ples blong Sin,? an olketa kolem tu olketa blong Idom ?Pipol wea Yawe hemi kros long olketa olowe.?

Gudnius abaotem Jisas Kraes wea Luk hemi raetem 19:44

An bae olketa spoelem yu finis, wetem evriwan wea olketa stap insaet long olketa wol long ston blong yu. Bae no eni lelebet ston nao i save stap long ples wea hemi stap long hem distaem, bikos yu ya, yu nating luksave long taem wea God hemi kam fo sevem yu.”