Emos 5:5 - Pijin Deuterocanon

⁵ Yufala mas no go long taon long Beereseba o long taon long Betel fo mekem wosip, bikos olketa enemi bae i spoelem Betel finis nao. An yufala mas no joen wetem olketa pipol long taon long Gilgal, bikos olketa bae i kamap slev long narafala kantri.?

Pijin Bible

⁵ Yufala mas no go long taon long Beereseba o long taon long Betel fo mekem wosip, bikos olketa enemi bae i spoelem Betel finis nao. An yufala mas no joen wetem olketa pipol long taon long Gilgal, bikos olketa bae i kamap slev long narafala kantri.?

Emos 5:5 ပူးပေါင်းရင်းမြစ်များ

Jenesis 21:31

Oraet olketa long bifoa i kolem ples ya Beereseba o “Wel blong promis”, bikos tufala ya i mekem promis blong tufala long ples ya.

Jenesis 21:33

Nao Ebraham hemi plantem wanfala tri long Beereseba. Kaen tri ya olketa kolem tamaris. An long ples ya, hemi wosipim Yawe long hem, disfala God hu hemi stap olowe.

Jenesis 26:23

Bihaen, Aesak hemi lusim ples ya moa, an hemi go stap long ples wea olketa kolem Beereseba.

Jenesis 26:33

Nao hemi kolem wel ya “Seba,” o “Strongfala Promis.” Dastawe, bihaen olketa kolem taon ya wea i stap kolsap long wel ya “Beereseba” o “Wel blong strongfala promis.”

1 Kings 12:28

Taem hemi herem samfala tingting blong advaesa long samting ya, hemi wakem tufala tambu kaving blong man buluka long gol. Den hemi tok olsem long olketa pipol, “Hemi had tumas fo yufala go olowe long Jerusalem fo mekem wosip. Hem nao tufala god blong yufala Israel. Tufala bin tekem olketa olfala grani blong yumi aot from Ijip.”

1 Kings 12:29

Nao hemi putum wanfala tambu kaving long taon long Betel, an narawan long taon long Dan.

2 Kings 23:8

An olketa prist blong Yawe wea i stap long olketa taon long Jiuda, hemi tekem evriwan ya kam long Jerusalem. Hemi spoelem evri tambuples stat long taon long Geba long not, go kasem taon long Beereseba long saot. An hemi spoelem tu olketa tambuples wea i stap long lef saet kolsap long geit wea Gavna Josua hemi bin wakem long wolston blong Jerusalem.

Stori abaotem Job 8:22

God bae hemi mekem olketa enemi blong yu fo sem, an bae hemi spoelem finis evri ples blong olketa nogud pipol.

Sams 33:10

Yawe hemi gohed fo blokem wanem olketa pipol long olketa narafala kantri i laekem. An hemi gohed fo stopem olketa fo no wakem olketa plan blong olketa ya.

Aesaea 29:20

Bat olketa pipol hu i mekem olketa narafala pipol safa, bae Yawe hemi spoelem olketa finis. Ya, olketa hu i tokspoelem olketa stretfala wei, bae olketa lus finis. An olketa hu i gohed fo duim olketa nogud samting,

Aesaea 8:10

Yufala save gohed fo hipap tugeta an mekem olketa plan blong yufala, bat bae hemi no save hapen, bikos God hemi stap wetem mifala.

Jeremaea 48:13

Bae olketa sem tumas from disfala god blong olketa Kemos, barava olsem olketa pipol blong Israel bin sem tumas from laea god blong Betel wea olketa bin trastem.

Hosia 10:8

Olketa tambu ples long Bet-Aven, wea olketa wosipim olketa laea god ya, bae i kamap nogud tumas, bikos diswan nao hemi nambawan sin blong Israel. Olketa olta long ples ya, bae ropnila an nilagras nao hemi kavaremap finis. An bae olketa tok olsem long olketa maonten, “!Kavaremap mifala!” An bae olketa tok olsem long olketa hil, “!Foldaon kam antap long mifala!”

Hosia 12:11

Nomata mi duim olketa samting, bat plande long yufala long Gilead long ist i wosipim yet olketa narafala god. !Olketa god ya i samting nating nomoa! Oltaem nomoa, yufala long Gilgal long west i sakrifaesim olketa man buluka. !Olketa olta blong yufala ya i yusles nomoa olsem olketa hip ston wea yufala kliarem from gaden!”

Hosia 4:15

“Olketa pipol blong mi. Nomata yufala blong Israel i lusim mi finis an aftarem nao olketa narafala god, bat yufala blong Jiuda mas no falom disfala ravis wei blong olketa ya long Israel. Yufala mas no go long Gilgal o Bet-Aven, fo wosipim olketa narafala god, an fo mekem strongfala promis long nem blong mi Yawe hu mi laef.

Hosia 9:15

Yawe hemi tok moa olsem, “Disfala nogud wei blong olketa hemi stat kam finis bifoa long Gilgal. An long datfala taem nao, mi stat fo heitem olketa. An from sin blong olketa nao, bae mi ronem olketa aot fo olketa no memba moa long pipol blong mi. Bae mi no lavem olketa moa. Oltaem, evri lida blong olketa nomoa i agensim mi.

Emos 1:5

Bae mi brekem olketa geit long bikfala wolston blong taon long Damaskas. Bae mi kilim dae evriwan, stat long olketa pipol go-go kasem king, an evriwan, stat long Aven vali go-go kasem taon long Bet-Eden. An bae mi fosim olketa pipol blong Siria fo lusim lan blong olketa an gobaek long Kia wea hemi lan blong olketa olo grani blong olketa bifoa.? Hem nao toktok blong Yawe.

Emos 3:14

Long datfala De wea bae mi panisim olketa from evri sin blong olketa, bae mi spoelem finis tu olketa olta long Betel. Olketa fofala hon tu long evri olta bae i brek an foldaon long graon. Ya, bae mi spoelem evri ples fo haed long hem.

Emos 4:4

Yawe hemi tok moa olsem, ?!Olketa pipol blong Israel! Yufala laekem tumas fo kam long disfala tambuples long taon long Betel fo mekem wosip, bat yufala gohed nomoa fo sin. An yufala laek fo go moa long disfala tambuples long taon long Gilgal fo mekem wosip, bat yufala gohed fo dabolem nomoa olketa wei blong yufala fo sin. Nomata yufala gohed fo bonem sakrifaes long mi long evri moning, an nomata yufala gohed fo tekem kam wan-tent long olketa samting blong yufala fo givim long mi long evri mektri de, wei blong yufala hemi nogud tumas.

Emos 7:10

(Profet) Amasaea hu hemi prist long Betel, hemi sendem ripot abaotem mi go long King Jeroboam hu hemi king long Israel. Ripot ya hemi olsem, ?Disfala Emos hemi gohed fo mekem olketa pipol i kam tugeta wetem hem fo mekem plan agensim yu. Olketa toktok blong hem, bae hemi barava spoelem disfala kantri blong yumi.

Emos 7:13

Yu mas no talemaot moa profesi blong yu long Betel, bikos ples ya hemi tambuples blong king fo mekem wosip.?

Emos 7:17

Dastawe nao Yawe hemi tok olsem, ?Waef blong yu bae hemi kamap wanfala juri woman insaet long disfala taon, an evri pikinini blong yutufala bae i dae long faet. Bae olketa narafala pipol nao i divaedem olketa graon blong yu long olketa seleva, an bae yu dae long kantri blong olketa hiden pipol. An olketa enemi bae i kam an fosim yufala evriwan long Israel fo lusim lan blong yufala.’

Emos 7:9

Bae mi spoelem finis olketa ples fo mekem wosip wea i blong pipol blong Israel. An bae mi kilim dae evriwan wea bae i bon kam long laen blong King Jeroboam.?

Emos 8:14

Olketa long yufala hu i promis strongfala long nem blong olketa kaving god blong olketa long Samaria, an tok olsem, ?Mi promis long nem blong kaving god ya blong Dan,? o tok olsem, ?Mi promis long nem blong kaving god ya blong Beereseba,? bae olketa evriwan mas dae.?

1 Korin 1:28

God hemi siusim olketa pipol wea long lukluk blong man olketa lou tumas an olketa nogud tumas. Hemi siusim olketa wea long lukluk blong man olketa samting nating nomoa, mekem olketa hu i bikman tumas bae olketa kamap samting nating nao.

1 Korin 2:6

Disfala toktok wea mi talemaot ya hemi barava waes toktok fo olketa hu i grouap strong long laef blong Kristin. An disfala waes toktok hemi barava deferen tumas long save blong olketa man long wol an save blong olketa paoa wea olketa rulim wol, wea olketa i save lus nomoa.

Diutronomi 28:41

Bae yufala garem olketa pikinini boe an gele, bat bae yufala lusim olketa bikos bae olketa soldia i kam fo tekem olketa.

Josua 5:9

Yawe hemi tok olsem long Josua, “Tude, mi tekemaot nao sem blong yufala wea yufala garem stat long taem wea yufala kamap slev long Ijip bifoa.” From samting ya nao, olketa kolem ples ya Gilgal, wea hemi minim “Tekemaot”, an nem ya hemi stap yet ka-kam kasem tude.

Revelesin 18:17

Bat wea, long wanfala aoa nomoa, evri gudfala samting blong yu i lus nao.” An olketa kapten blong olketa sip, an olketa pasenja, an olketa kru, an olketa man hu i garem sip fo mekem bisnis, bae olketa tu i stanap farawe an lukluk.

1 Samuel 11:14

Den Samuel hemi tok olsem long olketa, “Yumi evriwan mas go long Gilgal, mekem yumi talemaot moa olsem Sol nao hemi king blong yumi.”

1 Samuel 7:16

Evri yia, hemi wakabaot go long trifala taon long Betel, an Gilgal, an Mispa. Long trifala taon ya, olketa pipol i kam olowe long hem an olketa gohed fo talemaot trabol an raoa blong olketa long hem, mekem hemi stretem.

1 Samuel 8:2

Fasbon nao hemi Joel, an mektu hemi Abaeja. An tufala mekem ples blong tufala long Beereseba.