Eksodas 9:6 - Pijin Deuterocanon

⁶ Long neks de, Yawe hemi duim nao olsem wea hemi bin promisim. Evri animol blong pipol blong Ijip i dae, bat no eni animol blong pipol blong Israel i dae.

Pijin Bible

⁶ Long neks de, Yawe hemi duim nao olsem wea hemi bin promisim. Evri animol blong pipol blong Ijip i dae, bat no eni animol blong pipol blong Israel i dae.

Eksodas 9:6 ပူးပေါင်းရင်းမြစ်များ

Sams 78:48

Hemi kilim dae tu olketa buluka blong olketa long olketa bikfala ston long aes ya, an hemi kilim dae olketa sipsip an olketa nanigot blong olketa long laetning.

Sams 78:50

God hemi no holembaek kros blong hem from olketa, an hemi no laekem nomoa fo sevem laef blong olketa. Hemi letem nomoa wanfala nogud siknis fo kilim olketa dae.

Eksodas 12:12

“Long sem naet ya, bae mi gotru long evri ples long Ijip, an bae mi kilim dae evri fasbon pikinini boe blong olketa pipol an olketa fasbon long olketa animol. An bae mi panisim tu olketa laea god blong olketa ya. !Mi nao mi Yawe!

Eksodas 12:29

Midol long naet, Yawe hemi kam kilim dae evri fasbon pikinini boe blong olketa pipol blong Ijip, stat long fasbon pikinini boe blong king go-go kasem olketa fasbon pikinini boe blong olketa man wea i stap long prisin. An hemi kilim dae evri fasbon pikinini manwan blong olketa animol tu.

Eksodas 8:22

Bat long lan wea olketa pipol blong mi i stap long Gosen, bae mi mekem wea olketa flae ya i no save go long ples blong olketa. Bae mi duim olsem mekem yu save dat mi nao Yawe, an mi garem paoa fo mekem olketa samting ya long kantri blong yu.

Eksodas 9:25

Olketa ston long aes ya i gohed fo foldaon evri ples long Ijip, an olketa gohed fo kilim dae olketa pipol hu i stap aotsaet an olketa animol tu i dae. Samting ya hemi barava spoelem evri kaikai long gaden, an hemi brekem olketa tri tu.

Eksodas 9:26

Wanfala ples nomoa hemi stap wea stom ya hemi no kasem. Hem nao ples ya long Gosen wea olketa pipol blong Israel i stap long hem nomoa.

Eksodas 9:4

Bat bae mi mekem hemi deferen fo olketa animol blong pipol blong Israel, an hemi narawei fo olketa animol blong Ijip. Bae no eni animol blong Israel hemi save dae.

Eksodas 9:5

Yawe nao hemi putum taem ya fo tumoro wea bae samting ya hemi hapen.”