Eksodas 40:6 - Pijin Deuterocanon

⁶ An bae yu mas tekem Olta fo Bonem Sakrifaes, an putum go frant long doa blong Tambu Haostent fo Mitim mi.

Pijin Bible

⁶ An bae yu mas tekem Olta fo Bonem Sakrifaes, an putum go frant long doa blong Tambu Haostent fo Mitim mi.

Eksodas 40:6 ပူးပေါင်းရင်းမြစ်များ

2 Kings 16:14

Bihaen, hemi muvum disfala olfala olta wea olketa wakem long bras an hemi stap fastaem long frant long Tambuhaos. Fastaem olfala olta ya hemi stap long midol long niufala olta an Tambuhaos, bat king hemi muvum olfala olta ya go long saet blong niufala olta ya long not.

Eksodas 40:29

Hemi tekem Olta fo Bonem Sakrifaes an putum go aotsaet long frant long doa blong Tambu Haostent. An hemi bonem wanfala animol wea hemi sakrifaesim an hemi bonem tu disfala flaoa wea hemi miks wetem oel, barava olsem wea Yawe bin talem.

Eksodas 40:5

Yu mas tekem kam Olta fo Bonem Insens wea olketa bin kavarem hem long gol, an putum kolsap long bikfala kaleko wea hemi satem go Tambu Boks long Spesol Agrimen. An yu mas tekem narafala kaleko ya fo satem doa blong Tambu Haostent an hangem go long doa ya.

Eksodas 40:7

An yu mas tekem kam Bras Besin, an putum long midol long Olta fo Bonem Sakrifaes an Tambu Haostent, an fulumapem long wata.

Hibrus 13:10

Disfala sakrifaes antap long olta blong yumi, olketa prist hu i waka insaet long disfala Tambuhaos ya olketa no garem raet fo tekem eni kaikai from hem.

1 Jon 2:2

An Jisas nao hemi dae olsem wanfala sakrifaes fo finisim olketa sin blong yumi. Hemi no dae fo finisim sin blong yumi nomoa, bat hemi dae fo finisim sin blong evriwan long disfala wol.