Eksodas 40:38 - Pijin Deuterocanon

³⁸ An long datfala taem wea olketa gohed fo muv olobaot long drae eria, oltaem olketa save lukim bikfala klaod ya blong Yawe wea hemi gohed fo kavaremap Tambu Haostent ya long de. An oltaem long naet, olketa save lukim wanfala faea wea hemi gohed fo laet insaet long datfala klaod.

Pijin Bible

³⁸ An long datfala taem wea olketa gohed fo muv olobaot long drae eria, oltaem olketa save lukim bikfala klaod ya blong Yawe wea hemi gohed fo kavaremap Tambu Haostent ya long de. An oltaem long naet, olketa save lukim wanfala faea wea hemi gohed fo laet insaet long datfala klaod.

Eksodas 40:38 ပူးပေါင်းရင်းမြစ်များ

2 Samuel 7:6

Stat long taem wea mi tekemaot olketa olo blong yufala from Ijip bifoa, kam kasem tude, mi no stap long eni haos olsem. Oltaem mi gohed fo muv wetem olketa, an mi stap long haostent nomoa.

Sams 105:39

Yawe hemi mekem wanfala klaod fo gadem olketa pipol blong hem, an long naet, hemi givim faea mekem hemi laet fo olketa.

Sams 78:14

Long de, hemi yusim wanfala spesol klaod fo lidim olketa, an long naet, hemi lidim olketa long laet blong wanfala spesol faea.

Eksodas 13:21

An long olketa de, Yawe hemi go fastaem long olketa long wanfala bikfala klaod wea i stanap stret, mekem hemi som rod long olketa, an long naet, hemi go fastaem long olketa long wanfala bikfala faea wea i stanap stret, fo givim laet long rod fo olketa. Long wei ya nao, olketa save go nomoa long de an long naet.

Eksodas 13:22

Bikfala klaod ya long de an bikfala faea ya long naet tu, i nating lusim ples blong hem frant long olketa pipol ya.

Nambas 10:34

An evritaem olketa wakabaot long de fo go long narafala ples, klaod blong Yawe hemi long antap long olketa.

Nambas 9:12

An olketa mas no letem eni haf kaikai fo stap go kasem neks moning, an olketa mas no brekem bon blong animol wea olketa kaikaim. Taem olketa mekem Fist blong Pasova, bae olketa mas falom evri rul blong hem.

Nambas 9:15

Long taem olketa putumap Tambu Haostent blong Tambu Boks long Spesol Agrimen, bikfala klaod blong Yawe hemi kam kavaremap Tambu Haostent. An long naet, olketa lukim klaod ya hemi laet olsem faea.

Nambas 9:16

Olowe disfala klaod hemi kavaremap long de, an long naet hemi luk olsem faea.