Eksodas 40:24 - Pijin Deuterocanon

²⁴ Hemi tekem Spesol Frem fo putum Lam an putum go insaet long Tambu Haostent, long saot saet long rum wea Tebol ya hemi long not saet.

Pijin Bible

²⁴ Hemi tekem Spesol Frem fo putum Lam an putum go insaet long Tambu Haostent, long saot saet long rum wea Tebol ya hemi long not saet.

Eksodas 40:24 ပူးပေါင်းရင်းမြစ်များ

Sams 119:105

Lod Yawe, tru toktok blong yu nao hemi laet wea mi save falom. An hemi gohed fo saen long wei blong mi.

Eksodas 26:35

An yu mas putum disfala Tebol fo Tambu Bred an disfala Spesol Frem fo putum Lam insaet long Tambu Rum. Tebol ya fo Tambu Bred bae hemi stap kolsap long wol long not saet blong haostent ya, an disfala Spesol Frem fo putum Lam bae hemi stap kolsap long wol long saot saet.

Eksodas 40:23

An antap long Tebol ya, hemi putum tambu bred frant long ples wea bae Yawe hemi stap, barava olsem wea Yawe bin talem.

Eksodas 40:25

Hemi putum olketa lam antap long Spesol Frem ya, frant long ples wea bae Yawe hemi stap, barava olsem wea Yawe bin talem.

Eksodas 40:4

Yu mas tekem Tebol fo Tambu Bred, an putum saet kam long kaleko ya, an putum olketa samting blong hem long hem. An yu mas tekem kam Spesol Frem fo putum Lam, an putum olketa lam antap long hem.

Gudnius abaotem Jisas Kraes wea Jon hemi raetem 1:1

Stat kam long stat blong evrisamting, Toktok hemi stap finis nao. Hemi stap tugeta wetem God an hemi barava God tu.

Gudnius abaotem Jisas Kraes wea Jon hemi raetem 1:5

Disfala laet hemi saen go long evri ples wea hemi tudak, an tudak ya hemi nating save winim hem.

Gudnius abaotem Jisas Kraes wea Jon hemi raetem 1:9

Disfala laet hemi barava tru laet wea hemi kam long disfala wol an saen long evriwan.

Gudnius abaotem Jisas Kraes wea Jon hemi raetem 8:12

Jisas hemi toktok olsem moa long olketa pipol, “Mi nao mi laet fo pipol long disfala wol ya. Man hu hemi falom mi, bae hemi no save wakabaot long tudak ya, bat bae hemi garem laet wea hemi save givim laef ya.”

Revelesin 1:20

Yu lukim sevenfala sta wea mi holem long raet han blong mi, an sevenfala bikfala gol lam. Olketa garem mining wea hemi haed. Olketa sevenfala sta ya hemi minim olketa enjel blong sevenfala sios ya. An sevenfala bikfala lam ya hemi minim sevenfala sios ya nomoa.”

Revelesin 2:5

Yufala mas tingimbaek gudfala wei wea yufala bin stap long hem fastaem. Nao yufala mas lusim olketa ravis wei blong yufala, an yufala mas gohed moa fo duim wanem yufala bin duim kam fastaem. Bat sapos yufala no lusim olketa ravis wei blong yufala, bae mi kam an tekemaot disfala bikfala lam blong yufala.