Eksodas 39:38 - Pijin Deuterocanon

³⁸ Olta fo Bonem Insens wea olketa kavarem long gol, wetem tambu oel ya hemi fo mektambu long olketa samting, an insens ya wea hemi garem gudfala smel, an bikfala kaleko ya hemi fo satem doa long frant blong haostent ya.

Pijin Bible

³⁸ Olta fo Bonem Insens wea olketa kavarem long gol, wetem tambu oel ya hemi fo mektambu long olketa samting, an insens ya wea hemi garem gudfala smel, an bikfala kaleko ya hemi fo satem doa long frant blong haostent ya.

Eksodas 39:38 ပူးပေါင်းရင်းမြစ်များ

2 Kronikols 2:4

Mi redi fo bildim wanfala Tambuhaos fo wosipim Yawe hu hemi God blong mi. Long Tambuhaos ya, bae mifala bonem insens wea hemi smel naes tumas. An oltaem nomoa, bae mifala ofarem tambu bred long Yawe nomoa. Nao evri de long moning an long ivining, an long olketa Sabat de, an long olketa Fist blong Niumun, an long olketa narafala tambu de blong God, bae mifala bonem olketa sakrifaes long Tambuhaos ya fo tinghae long Yawe. Mifala long Israel mas duim olsem olowe nao falom wanem Yawe hemi bin talem.

Eksodas 25:6

oliv oel fo laet, olketa lif ya wea hemi garem gudfala smel fo putum go long insens, an fo putum long tambu oel ya fo mektambu long olketa man an olketa samting,

Eksodas 30:1

Yawe hemi gohed fo tok olsem long Mosis, “Bae yu mas yusim timba blong akesia tri fo wakem wanfala olta fo bonem insens antap long hem.

Eksodas 30:22

Yawe hemi gohed fo tok olsem long Mosis,

Eksodas 30:3

Yu mas yusim nambawan gol fo kavarem antap long olta, an fofala saet blong hem, an fofala hon blong hem. An yu mas wakem wanfala strap long gol fo goraonem hem fo dekoretem.

Eksodas 30:7

Evri moning, taem Eron hemi kam fo redim olketa lam long Spesol Frem blong olketa, hemi mas tekem spesol insens wea hemi garem gudfala smel, an hemi mas bonem antap long disfala olta.

Eksodas 31:11

an Tambu Oel ya fo mektambu long olketa samting ya fo mi, an Insens wea hemi garem gudfala smel, wea olketa prist bae i gohed fo yusim long Tambu Rum. Olketa mas wakem olketa samting ya, barava olsem wea mi bin talem long yu.”

Eksodas 35:8

oliv oel fo laet, olketa lif ya wea hemi garem gudfala smel fo putum go long insens, an fo putum long tambu oel ya fo mektambu long olketa man an olketa samting,

Eksodas 37:29

Olketa barava wakem gudfala disfala tambu oel fo mektambu long olketa samting. An olketa barava wakem gudfala tu disfala tambu insens wea hemi garem gudfala smel.

Eksodas 39:37

Spesol Frem fo putum Lam wea olketa wakem long nambawan gol, wetem olketa samting blong hem, an olketa lam blong hem wetem oel fo olketa.

Eksodas 39:39

Olta fo Bonem Sakrifaes wetem netwaea basket blong hem wea olketa wakem long bras, an tufala stik fo karim hem, an olketa narafala samting blong hem. Bras Besin wetem botom blong hem.