Eksodas 38:24 - Pijin Deuterocanon

²⁴ Olketa gol wea olketa pipol i mektambu long hem fo givim go long Yawe, wea olketa yusim long Tambu Haostent blong hem, hevi blong hem hemi kasem 995 kilo. Taem olketa skelem olketa gol ya, olketa yusim spesol skel blong olketa prist.

Pijin Bible

²⁴ Olketa gol wea olketa pipol i mektambu long hem fo givim go long Yawe, wea olketa yusim long Tambu Haostent blong hem, hevi blong hem hemi kasem 995 kilo. Taem olketa skelem olketa gol ya, olketa yusim spesol skel blong olketa prist.

Eksodas 38:24 ပူးပေါင်းရင်းမြစ်များ

Eksodas 25:2

“Bae yu talem olketa pipol blong Israel, fo givim kam ofaring long mi. An yu mas tekem wanem olketa wande ofarem.

Eksodas 29:24

Yu mas tekem trifala bred ya wetem olketa mit ya, an putum go long han blong Eron an olketa pikinini blong hem, an yu talem olketa fo liftimap kam frant long mi fo wanfala spesol ofaring.

Eksodas 30:24

an siksfala kilo long kidam. Yu mas skelem olketa long spesol skel blong olketa prist. Yu mas tekem fofala lita long oliv oel,

Eksodas 35:22

Olketa man an olketa woman tu hu i laek fo givim olketa samting go long Yawe, olketa tekem kam olketa naes samting wea olketa wakem long gol, olsem olketa smolfala huk fo putum long kaleko, an olketa iaring, an olketa ring, an olketa sen fo hangem long nek. Olketa liftimap olketa gol samting ya olsem ofaring fo somaot dat samting ya hemi blong Yawe an hemi tambu.

Levitikas 27:25

“Eniwan hu hemi laek fo peimaot eni man o enisamting fo go fri, hemi mas peimaot long praes wea prist hemi makem long silva seleni wea olketa skelem long spesol skel blong prist.

Levitikas 27:3

oraet, hemi mas peimaot long praes wea prist hemi makem long silva seleni wea olketa skelem long spesol skel blong prist.” Fo eni man wea hemi eij tuenti yia go kasem siksti yia, praes hemi fifti silva seleni.

Levitikas 5:15

“Sapos eniwan hemi brekem lo long eni tambu samting blong mi Yawe bat hemi no tingim fo duim, oraet, hemi mas ofarem kam wanfala man sipsip wea hemi no garem enisamting rong long bodi blong hem, fo disfala sakrifaes fo mekem kompensesin. Praes blong sipsip hemi mas fitim wanem man ya hemi bin duim, an olketa mas makem praes blong sipsip long silva seleni wea olketa skelem long spesol skel blong prist.

Hagae 2:8

Evri silva an gol wea i stap long disfala wol i blong mi.

Nambas 18:16

Taem pikinini boe hemi kasem wan mans, dadi blong hem hemi mas peim hem aot long mi. An praes wea mi putum hemi faefala silva seleni wea olketa skelem long spesol skel blong prist. Disfala silva seleni hemi mas hevi olsem tuentifala smol seleni wea olketa kolem gera.

Nambas 3:47

An praes blong olketa, hemi faev silva seleni fo wanfala. Olketa mas yusim silva seleni wea olketa bin skelem long spesol skel blong prist.