Eksodas 38:17 - Pijin Deuterocanon

¹⁷ Olketa yusim silva fo wakem olketa reil fo holem olketa pos long fens ya. An olketa yusim silva fo wakem olketa huk fo hangem longfala kaleko ya. An olketa wakem olketa spesol botom ya long bras.

Pijin Bible

¹⁷ Olketa yusim silva fo wakem olketa reil fo holem olketa pos long fens ya. An olketa yusim silva fo wakem olketa huk fo hangem longfala kaleko ya. An olketa wakem olketa spesol botom ya long bras.

Eksodas 38:17 ပူးပေါင်းရင်းမြစ်များ

1 Kings 7:16

An hemi wakem tufala hed blong tufala pos ya long bras, wea tufala i semsem. Hae blong hed ya i winim tu mita.

Eksodas 27:10

An hemi mas garem tuentifala pos wetem tuentifala spesol bras botom fo olketa stanap long hem. Yu mas yusim silva fo wakem olketa huk an olketa reil wea longfala kaleko ya hemi hang long olketa.

Eksodas 38:16

Olketa yusim nambawan waet kaleko fo hangem evriwea long disfala fens raonem open ples ya.

Eksodas 38:18

An olketa wakem wanfala kaleko fo satem disfala doa blong open ples. Longfala blong disfala kaleko hemi kasem 9 mita, an hae blong hemi kasem 2 mita 25 sentemita. Olketa wakem hem long nambawan waet kaleko, an somap olketa piksa long hem long blu koton, an papol koton, an red koton.

Nambas 3:36

Waka blong olketa fo lukaftarem olketa pat blong Tambu Haostent. Hem nao olketa longfala pis timba, an olketa frem, an olketa spesol botom fo holem olketa frem ya, an olketa narafala samting blong hem. Waka long olketa samting ya hemi long han blong olketa nao.

Nambas 4:32

An olketa mas karim tu olketa pos blong fens wea hemi raonem Tambu Haostent, wetem evri spesol botom blong olketa pos ya, an olketa samting fo holem fens an olketa rop blong hem, an evri tul fo duim waka long hem. An yu mas talemaot nem blong samting wea evri man mas karim.