Eksodas 35:4 - Pijin Deuterocanon

⁴ Mosis hemi tok olsem long pipol blong Israel, “Hem nao strongfala toktok wea Yawe hemi talem long yumi, fo yumi mas duim.

Pijin Bible

⁴ Mosis hemi tok olsem long pipol blong Israel, “Hem nao strongfala toktok wea Yawe hemi talem long yumi, fo yumi mas duim.

Eksodas 35:4 ပူးပေါင်းရင်းမြစ်များ

Eksodas 31:6

An mi siusim finis tu Oholiab, san blong Ahisamak long traeb blong Dan, mekem hemi helpem hem. An mi bin givim finis tu bikfala save long olketa narafala man mekem olketa save wakem evrisamting wea mi talem long yu.

Eksodas 35:3

Evri ples wea yufala stap long hem, yufala mas no mekem faea long hem long Sabat de.’ ”

Eksodas 35:5

Yumi evriwan mas mekem ofaring go long Yawe. Evriwan hu hemi wande ofarem samting long Yawe, hemi save givim: gol, silva, an bras,

Eksodas 39:32

Olketa pipol blong Israel i finisim nao olketa waka long Tambu Haostent fo Mitim God, an olketa wakem evrisamting barava olsem wea Yawe bin talem long Mosis.

Eksodas 40:3

Yu mas tekem Tambu Boks long Spesol Agrimen, wea Tenkomanmen long tufala flat ston i stap insaet, nao yu putum go insaet long Tambu Haostent ya, an hangem go disfala kaleko fo divaedem rum ya long tufala haf, fo satem go disfala rum wea Tambu Boks ya hemi stap long hem.