Eksodas 35:3 - Pijin Deuterocanon

³ Evri ples wea yufala stap long hem, yufala mas no mekem faea long hem long Sabat de.’ ”

Pijin Bible

³ Evri ples wea yufala stap long hem, yufala mas no mekem faea long hem long Sabat de.’ ”

Eksodas 35:3 ပူးပေါင်းရင်းမြစ်များ

Eksodas 12:16

Long fas de ya, an long mekseven de tu, yufala mas hipap tugeta fo wosipim mi. Long olketa sevenfala de ya, bae yufala no save waka. Yufala save wakem olketa kaikai blong yufala nomoa.

Eksodas 16:23

bat hemi tok olsem long olketa, “Yawe hemi talem finis dat tumoro hemi Sabat de, an de ya hemi tambu, mekem yumi res fo onarem Yawe. Olketa kaikai wea yufala laek fo kaikaim tude, yufala save bekem o kukim, bat haf wea hemi stap, yufala mas putumgud fo tumoro.”

Eksodas 20:9

Yufala garem siksfala de fo duim olketa waka blong yufala,

Eksodas 23:12

“Oltaem yufala save waka nomoa fo siksfala de, bat long mekseven de, yufala no mas waka. Long disfala wei nao, bae olketa slev blong yufala an olketa strensa wea i gohed fo waka fo yufala i save res. An olketa animol blong yufala tu i save res.

Eksodas 31:15

Yufala garem siksfala de wea yufala save duim waka blong yufala long hem, bat long mekseven de, hemi de fo res, an hemi blong mi Yawe. Eniwan wea hemi duim waka long de ya, yufala mas kilim hem dae.

Eksodas 35:4

Mosis hemi tok olsem long pipol blong Israel, “Hem nao strongfala toktok wea Yawe hemi talem long yumi, fo yumi mas duim.

Aesaea 58:13

Yawe hemi tok moa olsem, “Sapos yufala kipim Sabat de holi, an sapos yufala no duim enisamting falom tingting blong yufala seleva long de ya, an sapos yufala hapi tumas fo tinghae long mi long disfala holi de blong mi, an sapos yufala no wakabaot go farawe tumas long de ya, an sapos yufala no duim eni waka blong yufala, an sapos yufala no mekem de ya fo stori olobaot nomoa, bae mi blesim yufala.

Levitikas 23:3

“Yufala garem siksfala de fo duim olketa waka blong yufala, bat mekseven de long evri wik hemi Sabat de wea hemi de fo res. Long Sabat de yufala mas no waka, bat yufala mas kam tugeta fo wosipim mi. Nomata watkaen ples yufala stap long hem, Sabat de hemi de blong mi Yawe an yufala mas tinghae long hem.”