Eksodas 34:31 - Pijin Deuterocanon

³¹ Bat Mosis hemi kolem olketa fo kam long hem. So Eron wetem olketa lida i kam kolsap long hem, an hemi toktok long olketa.

Pijin Bible

³¹ Bat Mosis hemi kolem olketa fo kam long hem. So Eron wetem olketa lida i kam kolsap long hem, an hemi toktok long olketa.

Eksodas 34:31 ပူးပေါင်းရင်းမြစ်များ

Jenesis 45:15

Nao hemi go holem olketa narafala brata blong hem, an hemi kisim olketa, an hemi gohed fo krae. Bihaen, olketa brata blong hem ya i stat fo toktok wetem hem nao.

Jenesis 45:3

Nao Josef hemi tok olsem long olketa brata blong hem, “!Mi Josef nomoa ya! ?Waswe, hemi tru wea dadi blong mi hemi laef yet?” Bat taem olketa herem toktok ya, olketa fraet fogud an olketa no save talem enisamting nao.

Eksodas 16:22

Long meksiks de blong wik, olketa pipol i pikimap kaikai wea hemi naf fo tufala de, wea hemi fitim tufala smolfala basket fo evri man. Nao olketa lida i kam an ripotem samting ya long Mosis,

Eksodas 3:15

An yu mas talem olketa olsem, ‘Yawe, hu hemi God blong olketa grani blong yumi bifoa, hemi God blong Ebraham, an Aesak, an Jekob, an hem nao hemi sendem mi kam long yufala.’ Nem blong mi nao Yawe, an bae evri pipol mas kolem mi long disfala nem olowe nao.

Eksodas 34:30

Taem Eron an olketa pipol blong Israel i lukim dat fes blong hem hemi saen fogud, olketa fraet tumas fo kam kolsap long hem.

Eksodas 34:32

An bihaen, evri pipol blong Israel i hipap kam raonem hem, an hemi talemaot olketa lo ya wea Yawe bin givim kam long hem antap maonten long Saenae.