Eksodas 30:30 - Pijin Deuterocanon

³⁰ An bae yu mas kapsaetem go lelebet tambu oel ya antap long hed blong Eron, an long olketa san blong hem, an yu mas mektambu long olketa fo kamap prist fo duim waka fo mi.

Pijin Bible

³⁰ An bae yu mas kapsaetem go lelebet tambu oel ya antap long hed blong Eron, an long olketa san blong hem, an yu mas mektambu long olketa fo kamap prist fo duim waka fo mi.

Eksodas 30:30 ပူးပေါင်းရင်းမြစ်များ

Sams 133:2

Diswan hemi barava gud tumas olsem holi oel wea hemi smel naes tumas. Diskaen oel nao olketa kapsaetem go long hed blong Eron wea hemi ran godaon long biad blong hem go-go kasem kaleko blong hem.

Eksodas 28:3

An yu mas kolem kam olketa man wea mi bin givim save long olketa fo duim disfala waka. Olketa ya mas somap olketa kaleko fo Eron, mekem yu mektambu long hem fo hemi waka fo mi olsem haeprist.

Eksodas 28:41

Yu mas mekem brata blong yu Eron an olketa san blong hem, fo werem evri kaleko ya. Den yu mas kapsaetem go tambu oel long hed blong olketa fo mektambu long olketa, mekem olketa save duim waka fo mi olsem prist.

Eksodas 30:29

Long wei ya nao, bae yu mektambu long olketa samting ya, mekem hemi kamap barava tambu fogud. Dastawe sapos eni man o enisamting hemi tasim olketa samting ya, bae olketa ya i mektambu long hem tu.

Eksodas 30:31

Bae yu mas tok olsem long olketa pipol blong Israel, ‘Hem nao tambu oel fo makem olketa samting blong Yawe, an olketa prist nomoa mas yusim olsem olowe nao.

Eksodas 40:15

Oraet, yu mas tekem tambu oel ya moa, an kapsaetem go lelebet long olketa olsem yu duim long dadi blong olketa, fo mektambu long olketa tu fo kamap prist, mekem olketa duim waka fo mi. Disfala wei fo mektambu long olketa prist nao, bae olketa mas yusim olowe nao fo mekem olketa ya an olketa hu bae i bon kam bihaen long olketa, fo kamap prist fo duim waka fo mi.”

Levitikas 10:3

So Mosis hemi tok olsem long Eron, “Hem nao samting wea Yawe hemi talem taem hemi tok olsem, ‘Bae mi somaot dat mi holi long olketa hu i kam kolsap long mi. An olketa pipol blong mi bae i mekhae long paoa blong mi.’ ” Bat Eron hemi stap kuaet nomoa.

Levitikas 8:12

Bihaen, hemi kapsaetem oel ya go long hed blong Eron fo mektambu long hem.

Levitikas 8:30

Nao hemi tekem lelebet tambu oel wetem lelebet blad wea hemi tekem long olta, an hemi splasem go isi long Eron an long olketa spesol kaleko blong hem, an long olketa san blong hem an long olketa spesol kaleko blong olketa. Long disfala wei, hemi mektambu long olketa wetem olketa spesol kaleko blong olketa.

Nambas 3:3

Mosis hemi bin kapsaetem lelebet oel go long fofala ya fo mektambu long olketa fo kamap prist.