Eksodas 30:29 - Pijin Deuterocanon

²⁹ Long wei ya nao, bae yu mektambu long olketa samting ya, mekem hemi kamap barava tambu fogud. Dastawe sapos eni man o enisamting hemi tasim olketa samting ya, bae olketa ya i mektambu long hem tu.

Pijin Bible

²⁹ Long wei ya nao, bae yu mektambu long olketa samting ya, mekem hemi kamap barava tambu fogud. Dastawe sapos eni man o enisamting hemi tasim olketa samting ya, bae olketa ya i mektambu long hem tu.

Eksodas 30:29 ပူးပေါင်းရင်းမြစ်များ

Eksodas 29:37

Evri de go-go kasem mekseven de, yu mas duim diswan fo mektambu long hem. Long disfala wei nao, bae olta ya hemi kamap barava tambu fogud, mekem eni man o enisamting wea hemi tasim, bae hemi kamap tambu tu.”

Eksodas 30:28

An yu mas kapsaetem go lelebet tu long Olta fo Bonem Sakrifaes wetem olketa samting blong hem, an long Bras Besin wetem pos blong hem.

Eksodas 30:30

An bae yu mas kapsaetem go lelebet tambu oel ya antap long hed blong Eron, an long olketa san blong hem, an yu mas mektambu long olketa fo kamap prist fo duim waka fo mi.

Eksodas 40:10

An yu mas kapsaetem go lelebet tambu oel long Olta fo Bonem Sakrifaes, wetem evrisamting blong hem, fo mektambu long olketa fo mi, nao bae olta ya hemi kamap barava tambu.

Levitikas 6:18

Eni man long laen blong Eron hemi save kaikaim disfala haf blong tambu ofaring bikos hem nao haf blong olketa olowe. Disfala kaikai ya hemi tambu tumas, so eniwan hu hemi tasim hem bae tambu hemi kam long hem.”

Levitikas 8:10

Mosis hemi tekem tambu oel, an torowem lelebet hemi go long Tambu Haostent, an long evrisamting wea i stap insaet long hem, fo mektambu long olketa samting ya.

Levitikas 8:11

An hemi go torowem lelebet oel seven taem long Olta fo Bonem Sakrifaes, wetem olketa tul blong hem, an long Bras Besin wetem botom blong hem, fo mektambu long olketa samting ya.

Nambas 7:1

Taem Mosis hemi putumap Tambu Haostent finis, hemi yusim tambu oel fo mektambu long hem wetem evrisamting wea i stap insaet, an hemi mektambu long olta wetem evri tul blong hem.

Matiu 23:17

!Yufala krangge ya, an yufala blaen fogud tu! ?Wanem nao hemi bikfala moa, disfala gol, o disfala Tambuhaos wea hemi mekem gol ya fo kamap tambu?

Matiu 23:19

!Yufala blaen fogud ya! ?Wanem nao hemi bikfala moa, disfala sakrifaes, o disfala olta wea hemi mekem sakrifaes ya fo kamap tambu?