Eksodas 30:26 - Pijin Deuterocanon

²⁶ “Bae yu mas tekem tambu oel ya an kapsaetem go lelebet long Tambu Haostent, an long Tambu Boks long Spesol Agrimen.

Pijin Bible

²⁶ “Bae yu mas tekem tambu oel ya an kapsaetem go lelebet long Tambu Haostent, an long Tambu Boks long Spesol Agrimen.

Eksodas 30:26 ပူးပေါင်းရင်းမြစ်များ

Eksodas 30:27

An yu mas kapsaetem go lelebet tu long Tebol fo Tambu Bred wetem evrisamting blong hem, an long Spesol Frem fo putum Lam wetem evrisamting blong hem, an long Olta fo Bonem Insens.

Aesaea 61:1

Wakaman blong Yawe hemi tok olsem, “Spirit blong Lod Yawe hemi stap wetem mi, bikos hemi siusim mi finis fo talemaot gudnius long olketa pua pipol. Hemi sendem mi fo finisim sore wea hemi save stap insaet long haat blong pipol. Hemi sendem mi fo talemaot long olketa hu i stap long prisin an olketa hu i waka olsem slev, dat bae olketa fri nao.

Esikiel 28:14

Mi bin siusim yu fo olsem wanfala enjel fo gad, wea yu garem bikfala wing. Yu stap antap long tambu maonten blong mi ya, an yu wakabaot long olketa ston wea i barava saen fogud, olsem wea faea nao hemi kamaot long olketa.

Nambas 17:2

“Yu talem olketa pipol fo tekem kam olketa wokingstik blong tuelfala lida blong Israel. An yu mas raetem nem blong lida long stik blong hem.

Nambas 7:1

Taem Mosis hemi putumap Tambu Haostent finis, hemi yusim tambu oel fo mektambu long hem wetem evrisamting wea i stap insaet, an hemi mektambu long olta wetem evri tul blong hem.

Nambas 7:10

An olketa lida ya i tekem kam samfala narafala ofaring tu fo Mosis hemi yusim taem hemi tekem oel fo mektambu long Olta fo Bonem Sakrifaes.

Aposol 10:38

An yufala save hao God hemi siusim hem an hemi mekem hem fo garem Holi Spirit an paoa nao. An bikos God hemi stap olowe wetem hem, Jisas hemi go-goraon evriwea an duim olketa gudfala samting, an hemi mekem gudbaek moa evriwan hu olketa stap andanit long paoa blong Seitan.

1 Jon 2:20

Bat Kraes hemi givim finis Holi Spirit long yufala, mekem yufala evriwan i save long disfala tru toktok.

1 Jon 2:27

Bat yufala ya, Kraes hemi givim finis Holi Spirit long yufala. Bikos Holi Spirit hemi stap olowe wetem yufala, yufala no nidim eni tisa moa. Holi Spirit nao hemi tisim yufala long evrisamting, an wanem hemi tisim yufala hemi tru samting an i no laea samting. So yufala mas gohed olowe fo stap joen wetem Kraes olsem Holi Spirit hemi tisim yufala finis.