Eksodas 29:30 - Pijin Deuterocanon

³⁰ Nao taem olketa mektambu long hem fo kamap hae prist bae hemi mas gohed fo werem olketa spesol kaleko ya fo sevenfala de taem hemi kam waka insaet long Tambu Rum long Tambu Haostent fo mitim God.

Pijin Bible

³⁰ Nao taem olketa mektambu long hem fo kamap hae prist bae hemi mas gohed fo werem olketa spesol kaleko ya fo sevenfala de taem hemi kam waka insaet long Tambu Rum long Tambu Haostent fo mitim God.

Eksodas 29:30 ပူးပေါင်းရင်းမြစ်များ

Jenesis 8:10

Hemi weit fo sevenfala de moa, nao hemi letem kurukuru ya hemi goaot moa.

Jenesis 8:12

Hemi weit fo sevenfala de moa, nao hemi letem kurukuru ya fo goaot moa, bat distaem hemi no kambaek moa long hem.

Eksodas 12:15

Yawe hemi tok moa olsem, “Long stat blong Fist blong Pasova, bae yufala mas kaikaim nomoa bred wea hemi no garem yist long hem go-go kasem sevenfala de. Long fas de blong disfala bikde, bae yufala mas torowem olketa yist wea hemi stap insaet long olketa haos blong yufala. Sapos eniwan hemi kaikaim bred wea hemi garem yist long hem long olketa sevenfala de ya, hem mas finis from pipol blong Israel.

Eksodas 29:29

“Evri man long laen blong Eron hu hemi kamap hae prist bihaen long Eron, bae hemi mas werem olketa spesol kaleko blong Eron taem olketa mektambu long hem fo kamap hae prist.

Eksodas 29:31

“Yu mas tekem tufala haf mit ya blong sipsip wea yu bin yusim fo mektambu long Eron an olketa san blong hem fo kamap prist, an go kukim long wata insaet long wanfala tambu ples.

Eksodas 29:35

“Hem nao olketa wei wea yu mas falom taem yu mektambu long Eron an olketa san blong hem fo kamap prist. An yu mas duim olketa samting ya fo sevenfala de, barava olsem wea mi bin talem long yu.

Esikiel 43:26

Long sevenfala de ya, olketa prist mas duim semsamting fo mekem olta ya hemi kamap klin long ae blong mi, mekem hemi redi fo olketa yusim.

Levitikas 13:5

Den long mekseven de, prist hemi mas lukluk moa long man ya, an sapos hemi lukim olsem disfala soa hemi no kamap bikfala, hemi stap semsem nomoa, oraet, hemi mas talem hem fo hemi stap seleva insaet long disfala spesol haos go kasem sevenfala de moa.

Levitikas 16:32

An evri hae prist wea olketa kapsaetem tambu oel long hed blong hem fo mektambu long hem fo sensim dadi blong hem, hem save duim olketa samting fo tekemaot sin blong olketa pipol taem hemi werem olketa spesol kaleko blong hae prist.

Levitikas 9:1

Long mekeit de blong taem wea Mosis hemi mektambu long Eron, hemi kolem Eron an olketa san blong hem wetem olketa lida blong Israel, fo kam tugeta.

Levitikas 9:8

So Eron hemi go long olta, an kilim dae yangfala man buluka fo mekem sakrifaes fo mekem hem seleva stret moa long ae blong Yawe.

Nambas 20:28

Long dea Mosis hemi tekemaot olketa spesol kaleko wea Eron hemi werem, an hemi putum go long Eleasa, san blong Eron. Nao Eron hemi dae antap long datfala maonten. Bihaen, Mosis an Eleasa tufala kambaek.

Hibrus 7:26

Jisas nao hemi Haeprist hu hemi barava fit fo helpem yumi. Bikos Jisas hemi holi, wea hemi no garem eni sin an wei blong hem hemi stret olowe nomoa. An God hemi putum hem hae antap long heven wea hemi stap deferen from olketa pipol hu i garem sin.