Eksodas 29:11 - Pijin Deuterocanon

¹¹ Yu mas kilim dae datfala buluka frant long mi Yawe, barava stret long doa blong Tambu Haostent.

Pijin Bible

¹¹ Yu mas kilim dae datfala buluka frant long mi Yawe, barava stret long doa blong Tambu Haostent.

Eksodas 29:11 ပူးပေါင်းရင်းမြစ်များ

Eksodas 29:10

“Yu mas tekem kam man buluka ya long frant long Tambu Haostent, an talem Eron wetem olketa san blong hem fo putum han blong olketa antap long hed blong hem.

Eksodas 29:12

Yu mas tekem lelebet blad long hem, an putum go fingga blong yu insaet, an rabem go long olketa fofala hon blong olta. An yu mas tekem blad ya wea hemi stap, an kapsaetem go long botom blong olta ya.

Eksodas 29:4

“Nao yu mas tekem Eron an olketa san blong hem fo kam long doa blong Tambu Haostent fo Mitim God, an yu mas suimim olketa, mekem olketa klin long ae blong mi.

Levitikas 14:13

Hemi mas kilim dae sipsip ya insaet long ples blong Tambu Haostent, long ples fo kilim animol blong datfala sakrifaes fo mekem man stret moa long ae blong mi an sakrifaes wea hemi barava bone. Hemi mas kilim long datfala ples bikos mit blong disfala kompensesin sakrifaes hemi barava tambu tumas, an hemi blong olketa prist nomoa olsem mit blong datfala sakrifaes fo mekem man stret moa.

Levitikas 3:2

Oraet, man ya hemi mas putum han blong hem long hed blong buluka ya fo somaot dat sakrifaes ya hemi blong hem. An hem mas kilim dae long doa blong Tambu Haostent, an den prist long laen blong Eron hemi mas tekem blad an kapsaetem go long olketa fofala saet blong olta.

Levitikas 4:4

Hemi mas tekem kam man buluka ya long mi long doa blong Tambu Haostent, an hemi mas putum han blong hem long hed blong man buluka ya fo som dat sakrifaes hemi blong hem, an hemi mas kilim dae buluka ya frant long mi Yawe.

Levitikas 8:15

Bihaen, Mosis hemi kilim disfala man buluka. Den hemi putum fingga blong hem long blad, an hemi rabem go long olketa fofala hon blong olta. An haf long blad wea hemi stap hemi kapsaetem go long botom blong olta. Long disfala wei hemi mekem olta fo kamap klin long ae blong Yawe, an hemi mektambu fo Yawe.

Levitikas 9:12

Bihaen, hemi kilim man sipsip fo mekem sakrifaes wea hemi barava bone. Olketa san blong hem i tekem blad blong sipsip, an givim long hem, nao hemi kapsaetem go long olketa fofala saet blong olta.

Levitikas 9:8

So Eron hemi go long olta, an kilim dae yangfala man buluka fo mekem sakrifaes fo mekem hem seleva stret moa long ae blong Yawe.