Eksodas 25:20 - Pijin Deuterocanon

²⁰ Bae yu mas mekem wea tufala enjel ya i gohed fo fesim tufala, an wea tufala lukluk godaon long kava ya. An yu mas mekem wea wing blong tufala i spredaot fo go long tufala, mekem wing blong tufala i kavaremap antap long boks ya.

Pijin Bible

²⁰ Bae yu mas mekem wea tufala enjel ya i gohed fo fesim tufala, an wea tufala lukluk godaon long kava ya. An yu mas mekem wea wing blong tufala i spredaot fo go long tufala, mekem wing blong tufala i kavaremap antap long boks ya.

Eksodas 25:20 ပူးပေါင်းရင်းမြစ်များ

Jenesis 28:12

Jekob hemi garem wanfala drim, hemi lukim wanfala lada hemi stanap, wea botom blong hem hemi stap long graon, bat narafala en blong hem hemi goap kasem heven. An hemi lukim olketa enjel wea olketa gohed fo kamdaon, an olketa gohed fo goap long lada ya.

1 Kings 6:23

An hemi garem tufala kaving long enjel wea olketa wakem long timba blong oliv tri. Tol blong tufala kaving ya i kasem foa an haf mita. Tufala enjel ya, olketa putum insaet long Barava Tambu Rum. Tufala i semsem nomoa, an tufala garem wing. Long blong wanfala wing hemi winim tu mita. So stat long en blong wing long wanfala saet go kasem en blong wing long narasaet hemi kasem foa an haf mita.

1 Kings 6:27

Olketa stanemap tufala kaving long enjel ya insaet long Barava Tambu Rum. Nao en blong wing blong tufala enjel i tasim wol blong rum ya, an nara en blong wing blong tufala enjel i tugeta long midol.

1 Kings 8:7

Nao wing blong tufala enjel ya i ovarem Tambu Boks an tufala spesol stik fo karim hem.

1 Kronikols 28:18

An hem nao haomas barava nambawan gol fo wakem Olta fo Bonem Insens. An Deved hemi givim Solomon plan blong samting wea i olsem kaving long tufala enjel. Disfala kaving long gol hemi garem tufala enjel wea wing blong tufala i ovarem Tambu Boks blong Spesol Agrimen blong Yawe.

2 Kronikols 3:10

Olketa wakem tufala kaving blong enjel an kavarem tufala ya long gol. Olketa putum tufala kaving ya long Barava Tambu Rum.

Eksodas 25:18

Bae yu mas wakem tufala kaving blong enjel wea i garem wing long gol wea yu hamarem. An yu mas putum tufala enjel ya antap long tufala en blong kava,

Eksodas 25:19

wea tufala ya i barava pat long disfala kava nao. Wanfala mas stanap long wanfala en, an narafala long narafala en.

Esikiel 1:20

Eni ples wea paoa blong God hemi mekem olketa laef samting ya fo muv go long hem, olketa wil ya tu i muv long hem bikos paoa blong olketa laef samting ya hemi stap long olketa wil ya.

Esikiel 28:14

Mi bin siusim yu fo olsem wanfala enjel fo gad, wea yu garem bikfala wing. Yu stap antap long tambu maonten blong mi ya, an yu wakabaot long olketa ston wea i barava saen fogud, olsem wea faea nao hemi kamaot long olketa.

Matiu 24:31

An wanfala trampet bae olketa bloum bikfala fo sendemaot olketa enjel blong mi fo go long evri ples long disfala wol, stat long wanfala en go-go kasem nara en, fo olketa tekem kam olketa pipol wea mi siusim olketa finis.”

Gudnius abaotem Jisas Kraes wea Jon hemi raetem 1:51

An Jisas hemi sei moa long olketa, “Mi talem yufala tru samting nao, bae yufala lukim dat skae hemi open an wea olketa enjel blong God olketa go-goap long heven an kamdaon moa antap long mi San Blong Man.”

1 Korin 11:10

So bikos long olketa enjel, evri woman i mas kavarem hed blong hem fo somaot dat hemi stap andanit long paoa blong hasban blong hem.

1 Korin 4:9

Bat hemi luk olsem mifala olketa aposol ya, la-las ples nao God hemi givim long mifala. Mifala olsem pipol wea olketa jajem olketa fo dae long ae blong evriwan, wea olketa enjel an olketa pipol long wol olketa lukim trabol blong mifala.

Efesas 3:10

Bat distaem nao, God hemi mekem sios fo somaot evri waes tingting blong God long olketa spirit wetem olketa nara paoa moa long skae.

Kolosi 2:10

An Kraes hemi hae moa winim evri enjel an evri narakaen paoa moa. An hem nao hemi bin givim tru laef long yufala hu i joen wetem hem.

Hibrus 1:14

Bat olketa enjel ya, olketa i gudfala spirit hu i duim waka blong God. An God hemi sendem olketa kam fo helpem olketa pipol hu bae hemi sevem olketa.

Hibrus 9:5

Kava blong disfala boks ya, hemi ples fo tekemaot sin blong olketa pipol. An antap long kava ya, tufala kaving i stap wea tufala garem wing, an tufala olsem wanfala saen fo somaot dat God hemi stap long ples ya. Bat mi no save talem evrisamting abaotem disfala ples ya long distaem.

1 Pita 1:12

So God hemi somaot long olketa dat disfala tru toktok wea olketa gohed fo talemaot, hemi no fo helpem profet seleva, bat hemi fo helpem yufala nao. An Holi Spirit wea God hemi sendem kam, hemi givim paoa long samfala pipol, mekem olketa talemaot disfala Gudnius long yufala. An nomata olketa enjel tu, olketa wande savegud abaotem disfala Gudnius.

1 Pita 3:22

Jisas ya nao hemi goap long heven an hemi sidaon long raetsaet blong God. An hemi rul ovarem olketa enjel an evri paoa long heven.