Eksodas 22:30 - Pijin Deuterocanon

³⁰ An yufala mas givim kam tu olketa fasbon pikinini manwan blong olketa buluka an olketa sipsip long mi. Taem olketa pikinini manwan long olketa animol ya i bon, olketa save stap fo sevenfala de wetem mami blong olketa, nao long mekeit de, yufala mas ofarem kam long mi.

Pijin Bible

³⁰ An yufala mas givim kam tu olketa fasbon pikinini manwan blong olketa buluka an olketa sipsip long mi. Taem olketa pikinini manwan long olketa animol ya i bon, olketa save stap fo sevenfala de wetem mami blong olketa, nao long mekeit de, yufala mas ofarem kam long mi.

Eksodas 22:30 ပူးပေါင်းရင်းမြစ်များ

Eksodas 13:12

bae yufala mas oltaem givim olketa fasbon pikinini boe blong yufala go long Yawe. An yufala mas save dat olketa fasbon pikinini manwan long olketa animol blong yufala tu i blong Yawe.

Esikiel 4:14

Bat mi tok olsem, “!Lod Yawe! !Plis! Mi nating duim nomoa enisamting wea hemi mekem mi no klin long ae blong yu. Stat kam long taem wea mi pikinini yet ka-kam kasem tude, mi nating kaikaim yet eni mit blong animol wea hemi dae seleva, o olketa narafala animol nao i kilim dae. Mi nating kaikaim eni kaikai wea hemi no klin long ae blong yu.”

Levitikas 11:44

Mi nao Yawe, God blong yufala, so yufala mas kamap klin long ae blong mi, an yufala mas stap holi bikos mi nao mi stap holi. So yufala mas no kaikaim enikaen animol wea hemi save mekem yufala fo no klin long ae blong mi.

Levitikas 11:45

Mi nao mi tekemaot yufala from Ijip, fo mekem mi nomoa mi God blong yufala, so oltaem yufala mas stap holi bikos mi nao mi holi.

Levitikas 12:3

Long mekeit de blong hem, bae olketa mas mekem kate long pikinini ya.

Levitikas 17:15

“An sapos eniwan long yufala o eni strensa hu hemi stap wetem yufala, hemi kaikaim mit blong animol wea hemi dae seleva, o wael animol hemi kilim hemi dae, datfala man hemi mas wasim kaleko blong hem, an hemi mas suim, an hemi no klin long ae blong mi go kasem ivining. Bat bihaen, bae hemi klin long ae blong mi.

Levitikas 22:27

“Taem wanfala pikinini buluka, o pikinini sipsip, o pikinini nanigot hemi jes bon, hemi mas stap wetem mami blong hem winim sevenfala de. Afta sevenfala de hemi finis, hemi fitim fo yufala tekem kam fo ofarem antap long olta fo givim kam olsem tambu samting long mi Yawe.

Levitikas 22:8

Olketa prist i no save kaikaim mit blong animol wea hemi dae seleva, o wea wael animol hemi kilim dae, bikos datfala mit hemi mekem hem fo no klin long ae blong mi. Mi nao Yawe.

Levitikas 7:23

“Talem olketa blong Israel: Hemi tambu fo yufala kaikaim gris blong buluka, o gris blong sipsip, o gris blong nanigot.

Levitikas 7:24

An gris blong animol wea hemi dae seleva nomoa, wetem gris blong animol wea wael animol hemi kilim dae, yufala mas no kaikaim. Yufala save yusim datfala gris long sam narafala wei, bat hemi tambu fo yufala kaikaim.

Levitikas 7:26

An long eni ples wea bae yufala stap long hem, hemi tambu fo yufala fo kaikaim blad blong bed o blad blong animol.

Diutronomi 14:21

“Yufala mas no kaikaim animol wea hemi dae seleva. Eni animol olsem, yufala save givim long olketa strensa wea i stap wetem yufala fo olketa kaikaim, o yufala save salem long pipol blong narafala kantri. Yufala mas duim olsem bikos yufala nao i tambu pipol blong Yawe, God blong yufala. “An taem yufala kukim eni smolfala nanigot, yufala mas no kukim hem long milk blong mami blong hem.”

Diutronomi 15:19

Mosis hemi gohed fo tok olsem, “Eni fasbon pikinini man blong buluka, an nanigot, an sipsip blong yufala, yufala mas mektambu long olketa bikos i blong Yawe, God blong yufala. Bae yufala mas no yusim eni fasbon buluka fo mekem waka, an yufala no katemaot hea blong eni fasbon sipsip.