Eksodas 21:8 - Pijin Deuterocanon

⁸ Sapos masta ya hemi maritim gele ya, bat long bihaen, hemi no laekem hem moa, bae hemi no save letem wanfala strensa fo peimaot gele ya, bikos hemi brekem finis promis blong hem long gele ya. Hemi mas letem dadi blong gele ya fo kam an peimaot moa.

Pijin Bible

⁸ Sapos masta ya hemi maritim gele ya, bat long bihaen, hemi no laekem hem moa, bae hemi no save letem wanfala strensa fo peimaot gele ya, bikos hemi brekem finis promis blong hem long gele ya. Hemi mas letem dadi blong gele ya fo kam an peimaot moa.

Eksodas 21:8 ပူးပေါင်းရင်းမြစ်များ

Jenesis 28:8

So Iso hemi luksave nao wea dadi blong tufala i no laekem tufala pikinini blong hem ya fo maritim eni gele long Kenan.

Stori abaotem Job 6:15

Bat mi no save trastem olketa fren blong mi. Olketa ya i olsem wanfala smol riva wea hemi drae taem no eni ren hemi kam.

Eksodas 21:7

“Sapos wanfala man hemi salem dota blong hem fo hemi kamap slev, bae gele ya hemi no save go fri olsem wea olketa man slev i save duim.

Eksodas 21:9

Bat sapos man ya hemi peim wanfala slev gele fo marit long san blong hem, man ya mas lukaftarem slev gele ya gudfala olsem hemi barava dota blong hem.

Eksodas 8:29

Nao Mosis hemi tok olsem, “Hemi gud. Taem mi gobaek, bae mi prea long Yawe, an tumoro bae olketa flae ya i finis from yufala. Bat hemi nogud sapos yu laea moa long mifala, an yu stopem mifala fo mifala no go mekem sakrifaes long Yawe.”

Esikiel 15:8

Bae mi mekem lan blong olketa hemi emti, bikos olketa les long mi nao. Hem nao mesij blong mi Lod Yawe.”

Diutronomi 20:7

An sapos eniwan hemi enggej long wanfala gele finis, bat tufala no marit yet, oraet, hemi mas gobaek long hom. Nogud hemi dae long faet an narafala man bae hemi maritim gele ya.’

Jajis 14:3

Bat tufala tok olsem long hem, “Yumi garem nomoa plande gele long laen blong yumi, an long olketa narafala pipol blong Israel wea yu save maritim. ?Waswe nao yu wande go long olketa ravis hiden pipol blong Filistia fo faendem waef?” Bat Samson hemi tok olsem long dadi blong hem, “Yutufala mas tekem kam gele ya fo mi, mi laekem hem tumas.”

Jajis 9:19

Sapos olketa samting wea yufala bin duim long Jerub-Baal an laen blong hem hemi stret, oraet, bae yufala save hapi wetem, an hem bae hapi wetem yufala.

1 Samuel 18:8

Disfala singsing hemi mekem king hemi kros tumas. Hemi ting olsem, “Olketa sing olsem mi kilim 1,000, bat winim mi, Deved hemi kilim 10,000 moa. !Ating no longtaem bae olketa mekem hem fo kamap king!”

1 Samuel 8:6

Samuel hemi nating hapi long toktok blong olketa, so hemi prea go long Yawe.