Eksodas 20:25 - Pijin Deuterocanon

²⁵ Taem yufala wakem wanfala olta fo mi, yufala mas no yusim olketa ston wea yufala katem long olketa tul. Sapos yufala yusim eni tul fo wakem long hem, disfala olta ya hemi ravis nao long ae blong mi.

Pijin Bible

²⁵ Taem yufala wakem wanfala olta fo mi, yufala mas no yusim olketa ston wea yufala katem long olketa tul. Sapos yufala yusim eni tul fo wakem long hem, disfala olta ya hemi ravis nao long ae blong mi.

Eksodas 20:25 ပူးပေါင်းရင်းမြစ်များ

1 Kings 6:7

Olketa ston fo bildim Tambuhaos, olketa katem redi finis long ples wea olketa digim. Olketa duim olsem, mekem taem wea olketa gohed fo bildim Tambuhaos, no eniwan i herem noes blong olketa aean tul olsem hama, an aks, an sisel, an olketa nara tul moa.

Eksodas 20:24

Yufala mas wakem olta blong mi long graon nomoa, fo mekem sakrifaes long sipsip, an nanigot, an buluka blong yufala antap long hem. Olketa sakrifaes ya, samfala yufala mas barava bonem, an samfala yufala mas bonem nomoa haf long hem, an kaikaim narafala haf long hem, fo somaot dat yufala frengud wetem mi. Long evri ples wea mi siusim fo yufala wosipim mi, bae mi kam an blesim yufala.

Eksodas 24:4

An Mosis hemi raetemdaon nao evri toktok wea Yawe hemi talem long hem. Long eli moning yet long neks de, Mosis hemi wakem wanfala olta long botom long maonten ya, an hemi tekem tuelfala bikfala ston, an hemi stanemap olketa ston ya fo makem olketa tuelfala laen long Israel.

Esikiel 40:42

Narafala fofala tebol moa wea olketa katem long ston i stap fo putum olketa naef an olketa narafala tul fo redim mit long hem fo mekem olketa sakrifaes wea hemi barava bone an olketa narafala sakrifaes tu. Evri tebol ya i garem sem saes nomoa. Hae blong olketa hemi fifti sentemita, an olketa evriwan i skuea, wea fofala saet blong evriwan hemi seventi-faev sentemita.

Josua 8:31

barava olsem wea Mosis, datfala wakaman blong Yawe hemi bin talem bifoa. Hemi falom plan wea hemi stap insaet long Buk blong Lo wea Mosis bin givim long olketa bifoa, wea hemi olsem: “Fo wakem disfala olta, olketa mas no yusim olketa ston wea olketa bin katem long eni aean tul.” An long disfala olta, olketa mekem olketa sakrifaes wea i barava bone, an olketa mekem olketa sakrifaes fo somaot dat olketa stapgud wetem Yawe.