Eksodas 16:10 - Pijin Deuterocanon

¹⁰ Taem Eron hemi gohed fo tok yet long olketa, olketa luk go long drae eria. Seknomoa, bikfala paoa blong Yawe hemi saenaot kam long klaod.

Pijin Bible

¹⁰ Taem Eron hemi gohed fo tok yet long olketa, olketa luk go long drae eria. Seknomoa, bikfala paoa blong Yawe hemi saenaot kam long klaod.

Eksodas 16:10 ပူးပေါင်းရင်းမြစ်များ

Eksodas 16:11

An Yawe hemi tok olsem long Mosis,

Eksodas 16:7

An tumoro long moning, bae yufala lukim bikfala paoa blong Yawe, bikos hemi herem finis olketa toktok blong yufala agensim hem. Yufala mas save dat taem yufala gohed fo komplen agensim mitufala, yufala komplen nomoa agensim Yawe. Mitufala ya i wakaman blong hem nomoa.

Eksodas 24:16

An saen long bikfala paoa blong Yawe hemi stap antap long maonten long Saenae, an disfala klaod hemi haedem maonten ya fo siksfala de. Long mekseven de, Yawe hemi kol kam long Mosis an voes blong hem hemi kamaot from insaet long disfala klaod.

Levitikas 9:23

Bihaen, Mosis an Eron tufala go insaet long Tambu Haostent, an taem tufala kambaek moa aotsaet, tufala blesim olketa pipol, an saen blong paoa blong Yawe hemi saen kam long olketa.

Levitikas 9:6

Nao Mosis hemi tok olsem long olketa pipol, “Yawe hemi talem yufala fo mekem olketa samting ya, mekem saen blong paoa blong hem fo saen kam long yufala.”

Nambas 14:10

Den olketa pipol i stanap an laek fo sutim Mosis an Eron dae long ston. Bat wea, saen blong paoa blong Yawe hemi kam long Tambu Haostent, an hemi saenaot kam long olketa pipol.

Nambas 16:19

Oraet, Kora hemi kolem olketa man fo kam stanap long datfala ples, an olketa fesim Mosis an Eron long doa blong Tambu Haostent. Seknomoa, saen blong paoa blong Yawe hemi saen kam long olketa evriwan.

Matiu 17:5

Taem Pita hemi toktok yet, wanfala klaod wea hemi saen tumas hemi kam kolsap antap long olketa nao. An olketa herem toktok wea hemi kamaot long klaod ya wea hemi sei, “Hem ya nao barava San blong mi wea mi lavem hem tumas an mi hapi tumas long hem. !Yufala mas heremgud wanem hemi talem!”