Eksodas 15:14 - Pijin Deuterocanon

¹⁴ Taem olketa blong narafala kantri i herem nius abaotem samting ya, bae olketa fraet an seksek. Olketa blong Filistia bae fraet tumas.

Pijin Bible

¹⁴ Taem olketa blong narafala kantri i herem nius abaotem samting ya, bae olketa fraet an seksek. Olketa blong Filistia bae fraet tumas.

Eksodas 15:14 ပူးပေါင်းရင်းမြစ်များ

1 Kronikols 14:17

Nao nius blong olketa bikfala samting wea hemi duim hemi go kasem evri ples long wol, an Yawe hemi mekem olketa pipol long evri kantri fo fraet long hem.

Sams 48:6

Olketa barava fraet fogud, an olketa fil olsem woman wea hemi gohed fo bonem pikinini.

Sams 48:7

Olketa olsem tu olketa sip wea bikfala saekloun hemi bloum go olobaot.

Aesaea 14:29

Yawe hemi tok olsem, “!Olketa pipol blong Filistia! !Hemi nogud fo yufala gohed fo hapi olsem! Hemi tru wea stik wea mi bin yusim fo wipim yufala long hem hemi brek nao. !Bat narafala stik hemi stap yet! Hemi olsem wea taem wanfala poesen snek hemi dae, pikinini blong hem hemi laef an hemi poesen snek tu.

Aesaea 14:31

“!Yufala pipol blong olketa bikfala taon ya long Filistia! !Yufala kraeaot long fraet! Bikos yufala bae lukim bikfala smok long not taem olketa enemi i bonem datfala lan, an olketa evriwan i redi kuiktaem fo kam spoelem yufala tu.”

Aesaea 23:5

Taem olketa pipol blong Ijip i herem disfala nius abaotem taon long Taea, olketa fraet an barava wari fogud.

Esikiel 32:9

“Bae mi mekem pipol blong olketa narafala kantri wea yu nating save long olketa bifoa fo filnogud tumas taem olketa herem dat mi spoelem yu.

Habakuk 3:6

Taem hemi stop, graon hemi seksek. Taem hemi luk go long olketa kantri, evri pipol i fraet an seksek fogud. Olketa bikfala maonten an hil i brek long pisis an singdaon nao. Long wei ya, God bin wakabaot long disfala wol longtaem bifoa.

Habakuk 3:7

Mi lukim dat olketa blong Kusan i fraet, an olketa blong Midian i seksek fogud.

Nambas 14:14

Ating bae olketa mas talemaot nius long olketa pipol wea i stap long Kenan. Olketa long Kenan i herem finis wea yu stap wetem mifala, an hemi klia wea yu somaot disfala samting long ae blong olketa pipol, bikos klaod blong yu hemi stap antap long mifala. Olketa herem tu wea long de, yu go fastaem long mifala insaet long bikfala klaod, an long naet yu lidim mifala long bikfala faea.

Nambas 22:5

hemi sendem go wanfala toktok long profet Balam, san blong Beo, hu hemi stap wetem olketa wantok blong hem long taon long Petoa kolsap long Yufretis Riva. Toktok ya hemi olsem, “Yu save, wanfala bikfala traeb i kamaot finis from Ijip. Olketa stap kam kolsap long mi, an olketa kavaremap finis evri ples.

Diutronomi 2:25

Stat tude, bae mi mekem pipol long evri ples fo fraet long yufala. Sapos olketa herem dat pipol i tokabaotem yufala, bae olketa fraet tumas an seksek fogud.’”

Josua 10:2

Paramaon sif ya wetem evri pipol blong hem i barava seksek fogud, bikos olketa save dat Gibeon hemi wanfala bikfala taon olsem eni narafala taon wea hemi garem paramaon sif, an olketa pipol blong hem i plande winim olketa pipol blong Ai, an olketa barava strong fogud fo faet tu.

Josua 2:11

An taem mifala herem nius abaotem olketa samting ya, mifala barava fraet an seksek fogud, an distaem tingting blong mifala hemi wikdaon finis. Yawe hu hemi God blong yufala, hem nao God blong heven an disfala wol ya.

Josua 9:24

Olketa tok olsem long hem, “Masta, mifala duim diswan bikos mifala save finis wea Yawe hu hemi God blong yufala hemi bin talem long Mosis, disfala wakaman blong hem bifoa, wea bae hemi givim disfala lan long yufala. An taem yufala kam insaet long lan ya, bae yufala kilim mifala evriwan dae. An mifala save tu dat disfala toktok hemi tru tumas, dastawe nao mifala fraet tumas long yufala. So mifala mas duim diswan nao, bikos mifala no wande dae tu ya.

Josua 9:9

Olketa tok olsem long hem, “Masta, mifala kam from wanfala kantri wea hemi farawe tumas. Mifala herem nius abaotem evrisamting wea Yawe hu hemi God blong yufala bin duim long olketa pipol blong Ijip.

1 Samuel 4:7

olketa barava fraet an seksek fogud. Den olketa tok olsem, “!Wanfala god hemi kam long ples blong olketa! !Bae yumi lus nao! !No enisamting olsem hemi bin kasem yumi bifoa!

1 Samuel 4:8

!Yumi trabol nao! !God blong olketa hemi garem paoa ya! ?Hu nao save tekemaot yumi from paoa blong hem? Hem ya nao god wea hemi bin sendem kam olketa bikfala trabol fo kilim olketa blong Ijip long drae eria.