Eksodas 12:49 - Pijin Deuterocanon

⁴⁹ Olketa rul ya hemi fo yufala evriwan, yufala long pipol blong Israel, an olketa strensa hu i kam an stap nomoa wetem yufala.”

Pijin Bible

⁴⁹ Olketa rul ya hemi fo yufala evriwan, yufala long pipol blong Israel, an olketa strensa hu i kam an stap nomoa wetem yufala.”

Eksodas 12:49 ပူးပေါင်းရင်းမြစ်များ

Eksodas 12:50

So evri pipol blong Israel i obeim nao disfala toktok wea Yawe hemi talem long Mosis an Eron.

Levitikas 19:34

Yufala mas tingim taem wea yufala stap long Ijip olsem strensa long dea. Dastawe, yufala mas lavem olketa deferen pipol olsem wea yufala lavem yufala seleva, an yufala mas lukaftarem olketa, olsem wea yufala lukaftarem olketa long laen blong yufala seleva, bikos mi nao Yawe, God blong yufala.

Levitikas 24:22

An nomata man ya hemi long laen blong yufala, o hemi strensa wea hemi stap wetem yufala, disfala lo hemi fo yufala evriwan, bikos mi nao Yawe, God blong yufala.”

Nambas 15:29

Disfala sem rul fo tekemaot sin blong man wea hemi no tingim fo duim, hemi fitim yufala pipol blong Israel an hemi fitim eni strensa wetem yufala.

Nambas 35:15

Olketa taon fo haed i fo yufala, an fo olketa strensa wea i stap kam wetem yufala. Long wei olsem eniwan nomoa wea hemi no minim fo kilim dae narafala man, hemi save ranawe go fo haed long wanfala long olketa taon ya.

Nambas 9:14

“An sapos eni strensa hemi stap wetem yufala, an hemi laek fo joenem yufala fo mekem Fist blong Pasova, bae hemi mas falom evri rul blong hem. Yufala mas garem wanfala lo nomoa wea hemi fitim evriwan, nomata hemi wanfala long yufala o wanfala strensa.”

Galesia 3:28

So no enisamting hemi deferen long olketa pipol hu i stap joen wetem Jisas Kraes, nomata olketa Jiu o olketa i no Jiu, nomata olketa slev o olketa i stap fri nomoa, nomata olketa man o olketa woman. Yufala evriwan i kamap wanfala nomoa.

Kolosi 3:11

An falom diswan, evri pipol olketa semsem nomoa. Nomata yumi man blong Jiu o nomoa, nomata yumi mekem olketa boe fo kate o nomoa, nomata yumi no skul o yumi blong bus o yumi slev o yumi stap fri man nomoa, Kraes nao hemi nambawan samting long laef blong yumi, an Kraes nao hemi stap insaet long yumi evriwan.