Eklesiastes 7:5 - Pijin Deuterocanon

⁵ Hemi moabeta yu herem toktok blong waes man hu hemi stretem yu, winim yu lisin long singsing blong krangge man.

Pijin Bible

⁵ Hemi moabeta yu herem toktok blong waes man hu hemi stretem yu, winim yu lisin long singsing blong krangge man.

Eklesiastes 7:5 ပူးပေါင်းရင်းမြစ်များ

Sams 141:5

Hemi gud nomoa sapos wanfala gudfala man hemi panisim mi an tokstrong long mi fo stretem mi, bat mi no save letem olketa nogud pipol i onarem mi, bikos oltaem nomoa mi prea agensim olketa ravis samting wea olketa ya i duim.

Sams 69:12

Olketa gohed fo stori nogud abaotem mi long evri ples, an olketa drang man tu i gohed fo mekem olketa nogud singsing abaotem mi.

Provebs 13:13

Man no lisin, bae hemi garem trabol. Man hemi lisin, bae hemi garem gudfala samting.

Provebs 13:18

Man hemi les fo eniwan i stretem hem, bae hemi kamap pua an filsem. Bat man hemi lisin long olketa hu i stretem hem, bae pipol tinghae long hem.

Provebs 17:10

Strong toktok save sensim man wea hemi garem gud tingting, bat nomata yu wipim krangge man wan handred taem, hemi no save sens.

Provebs 25:12

Taem waes man tok fo stretem man hu hemi save lisin, hemi olsem naesfala gol ring an sen.

Provebs 27:6

Yu save trastem fren hu hemi stretem yu, bat keakea long enemi hu hemi trae fo suit long yu.

Provebs 6:23

Evri strongfala toktok ya nao laet, an disfala tising nao hemi laet. Hem save stretem yu, mekem yu kasem laef.

Provebs 9:8

No trae fo stretem man fo toknogud bae hemi heitem yu. Stretem waes man bae hemi lavem yu.

Eklesiastes 12:11

Olketa toktok blong olketa waes man i olsem stik wea man fo lukaftarem sipsip hemi yusim long olketa sipsip blong hem. Ya, olketa waes toktok i olsem nila wea hemi stap strong insaet long stik ya. God hu hemi givim olketa waes toktok ya, hemi lukaftarem yumi gudfala tumas olsem yumi olketa sipsip blong hem.

Eklesiastes 7:4

Man hu hemi krangge hemi laek fo go long fist olowe nomoa, bat man hu hemi waes hemi no save fogetem wea pipol bae dae.

Eklesiastes 9:17

Hemi moabeta yu lisin long kuaet toktok blong wanfala waes man, winim yu lisin long wanfala lida wea hemi singaot long midol long olketa krangge man.

Revelesin 3:19

Olketa pipol wea mi lavem olketa tumas, mi save tokstrong long olketa, an mi save panisim olketa tu. So yufala mas tinghevi long mi an lusim olketa ravis wei blong yufala.