Eklesiastes 7:16 - Pijin Deuterocanon

¹⁶ Yu mas no kamap stret fogud long tingting blong yu seleva, an yu mas no kamap waes tumas long tingting blong yu seleva. ?Waswe nao yu laek fo kilim yu seleva dae?

Pijin Bible

¹⁶ Yu mas no kamap stret fogud long tingting blong yu seleva, an yu mas no kamap waes tumas long tingting blong yu seleva. ?Waswe nao yu laek fo kilim yu seleva dae?

Eklesiastes 7:16 ပူးပေါင်းရင်းမြစ်များ

Jenesis 3:6

Nao woman ya hemi lukim dat tri ya hemi lukgud tumas, an frut blong hem tu hemi gud fo kaikaim, an hemi laekem tumas fo kamap waes olsem wea frut ya save mekem hem waes. So hemi tekem samfala frut long tri ya an hemi kaikaim nao. An hemi givim tu fo hasban blong hem, an hem tu hemi kaikaim.

Stori abaotem Job 11:12

Man wea hemi no garem save, bae hemi kamap waes long taem wea wael dongki hemi bonem pikinini wea hemi kuaet an fitim vilij.

Stori abaotem Job 28:28

So God hemi tok olsem long yumi, “Tinghae long mi Yawe, hem nao wanem hemi waes. Fo kasem gudfala save, yufala mas les long olketa nogud wei.”

Provebs 23:4

Nogud yu hadwaka tumas fo kamap risman. Sapos yu waes bae yu no save waka olsem.

Provebs 25:16

Yu faendem hani, no kaikaim tumas. Kaikaim tumas, bae yu toraot.

Eklesiastes 12:12

So, pikinini blong mi, hemi gud yu lukaot gudfala, an no adem go enisamting moa long olketa. Fo kolektem an raetem olketa waes toktok olsem, bae hemi no save finis. An sapos yu gohed fo stadim olketa tumas, bae hemi mekem yu barava taet nomoa.

Matiu 23:29

“!Yufala olketa tisa blong Lo an yufala olketa Farasi, yufala lukaot! !Yufala save laea tumas ya! Yufala gohed fo wakem memori long olketa grev blong olketa profet ya an yufala mekem grev blong olketa stretfala man ya fo lukgud tumas.

Matiu 23:38

So yufala herem, God bae hemi goawe from Tambuhaos blong yufala ya, mekem hemi emti.

Matiu 23:5

Olketa duim nomoa olketa gudfala samting, mekem olketa pipol lukim nomoa ya. An strap fo taengem Lo long bodi blong olketa, olketa mekem hem bik tumas. An olketa rop wea i hangdaon long en blong kaleko blong olketa, olketa mekem bikfala tu.

Matiu 9:14

Bihaen moa, olketa disaepol blong Jon Baptaes, olketa kam long Jisas an olketa sei, “Mifala wetem olketa Farasi, mifala save stop fo no kaikai. ?Bat waswe nao olketa disaepol blong yu olketa nating duim diswan?”

Gudnius abaotem Jisas Kraes wea Luk hemi raetem 18:12

Mi ya, mi save stop fo no kaikai long tufala de insaet long evri wik ya. An mi save givim go long yu, wan-tent long evrisamting wea mi garem.’

Leta wea Pol hemi raetem go long sios long Rom 10:2

Mi savegud long olketa, an mi save talemaot klia dat olketa traehad tumas fo falom wei blong God, bat olketa no barava save hao nao fo duim.

Leta wea Pol hemi raetem go long sios long Rom 11:25

Olketa Kristin fren, mi laekem yufala fo save long disfala bikfala samting wea hemi staphaed, mekem yufala no tingim yufala barava save tumas. Hemi olsem ya, disfala wei blong pipol blong Israel fo no lisin, bae hemi stap nomoa go kasem taem evriwan hu i no Jiu wea God hemi siusim, i kam finis long hem.

Leta wea Pol hemi raetem go long sios long Rom 12:3

Long wanem God hemi givim kam long mi, mi talem long yufala, yufala no tinghae long yufala seleva tumas. Bat yufala mas tingabaotem yufala seleva long stretfala wei nomoa, falom biliv wea God hemi givim long yufala.

1 Korin 3:18

Yufala mas no tingting rong abaotem diswan. Sapos eniwan hemi tingse hemi waes long diskaen save blong wol, moabeta hemi kamap olsem krangge long wei blong wol fastaem, mekem bae hemi save kamap barava waes.

1 Korin 3:20

An nara ples long Buktambu hemi sei, “Masta hemi save dat tingting blong olketa waesman hemi samting nating.”

Filipae 3:6

Mi barava strong tumas long waka blong God, so mi mekem olketa Kristin fo safa. An long wei fo kamap stret falom Lo, mi no garem enisamting rong long laef blong mi.

Kolosi 2:18

Samfala man olketa praod tumas long olketa spesol drim blong olketa, an olketa tisim pipol fo putum olketa seleva daon an fo wosipim olketa enjel. Yufala no letem eni man olsem fo jajem yufala. Hemi praod nating from olketa tingting blong wol ya wea hemi no tru,

Kolosi 2:23

Hemi tru ya, diskaen rul olsem, olketa fosim yumi fo mekem wosip an olketa mekem yumi daonem yumi seleva, an olketa mekem bodi blong yumi fo filpein. Olsem, yumi tingse diskaen rul ya hemi mas garem gudfala tingting long hem. Bat no eni rul olsem hemi save helpem yumi fo stopem disfala ravis wei long tingting blong yumi.

1 Timoti 4:3

Olketa pipol olsem ya olketa stopem pipol fo no marit an fo no kaikaim plande kaen kaikai. Bat God hemi mekem olketa kaikai ya fo olketa pipol save kaikaim nomoa. An yumi pipol wea yumi biliv long God an save long tru toktok, yumi save talem tengkiu long God fo olketa kaen kaikai ya, an yumi save kaikaim nomoa.

Revelesin 18:19

Olketa putum samfala dast long hed blong olketa bikos olketa barava sore tumas, an olketa krae bik olsem, “!Maewat, sore tumas long biktaon ya! Evriwan hu i garem sip, olketa nao bin kamap ris tumas long evri gudfala samting blong yu. Bat long wanfala aoa nomoa, yu barava luknogud nao.”