Eklesiastes 7:13 - Pijin Deuterocanon

¹³ Yu mas tingting gudfala abaotem olketa samting wea God hemi duim. Sapos God hemi mekem wanfala samting fo hemi no stret, no eniwan save stretem moa.

Pijin Bible

¹³ Yu mas tingting gudfala abaotem olketa samting wea God hemi duim. Sapos God hemi mekem wanfala samting fo hemi no stret, no eniwan save stretem moa.

Eklesiastes 7:13 ပူးပေါင်းရင်းမြစ်များ

Stori abaotem Job 11:10

?Sapos God hemi kam putum yu insaet long prisin, an hemi kotem yu, bae wanem nao yu save duim?

Stori abaotem Job 12:14

Sapos hemi brekem daon samting, bae no eniwan save stanemap moa. An sapos hemi putum man long prisin, bae no eniwan save mekem fri moa.

Stori abaotem Job 34:29

?Waswe, sapos God hemi herem olketa, bat hemi no duim enisamting, hu nao hemi garem paoa fo talem dat hemi rong? ?Sapos God hemi haedem fes blong hem, hu nao save lukim hem? Bat hemi kontrolem olketa pipol an olketa kantri,

Stori abaotem Job 37:14

Job, yu mas lisin kam fo lelebet taem. Yu mas tingim olketa nambawan samting God hemi duim.

Stori abaotem Job 9:12

Hemi save tekem nomoa enisamting wea hemi laekem. An no eniwan save stopem hem. No eniwan save tok olsem long hem, “!Ei! ?Wanem nao yu duim?”

Sams 107:43

Hemi gud tumas sapos olketa pipol hu i waes mas tingim olketa samting ya. An hemi gud tumas tu fo olketa mas tingim olowe dat Yawe hemi tinghevi long yumi. (Singsing blong Deved.)

Sams 8:3

Taem mi lukap go long skae wea yu bin mekem, an mi lukim mun an olketa sta wea yu bin putum long olketa barava ples blong olketa,

Eklesiastes 1:15

Ya, enisamting wea hemi no stret, yumi no save stretem, an enisamting wea hemi no stap, yumi no save kaontem nao.

Eklesiastes 3:11

Ya, God nao hemi makem barava nambawan taem fo evrisamting i hapen. An hemi mekem yumi tingabaotem olketa samting wea i barava aotsaet long taem. Nomata olsem, yumi no save minim evrisamting wea hemi duim.

Eklesiastes 8:17

Bihaen, mi lukim dat God nao hemi duim evri waka bat no eniwan hemi save minim olketa samting wea hemi gohed fo hapen long disfala wol. Nomata yumi traehad fo faendemaot abaotem olketa samting ya, bat yumi kanot save long barava mining blong hem. An nomata wanfala waes man hemi talem dat hemi save, bat hemi no save minim.

Aesaea 14:27

Taem Yawe hu hemi garem evri paoa hemi mekem plan blong hem, no eniwan save stopem. An taem hemi liftimap han blong hem fo panisim olketa pipol ya, no eniwan save stopem hem tu.

Aesaea 43:13

Ya, mi nao God hu mi stap fo evritaem olowe. No eniwan save ranawe from paoa blong mi, an no eniwan save sensim olketa samting wea mi duim.” Hem nao mesij blong Yawe.

Aesaea 5:12

Taem yufala holem olketa fist blong yufala, oltaem yufala pleim olketa gita an tamborin blong yufala, an yufala gohed fo bloum olketa bambu paep an dringim waen fo mekem yufala hapi an no save tingim olketa samting wea Yawe hemi duim fo yufala.

Daniel 4:35

Evri pipol long wol, i olsem nating nomoa long ae blong hem. Ya, evri enjel long heven an evri pipol long wol i stap nomoa andanit long paoa blong hem. No eniwan long wol save agensim hem, an no eniwan save askem hem olsem, ‘?Wanem nao yu duim ya?’

Gudnius abaotem Jisas Kraes wea Luk hemi raetem 12:26

?Sapos yufala no save fo duim olketa smolfala samting olsem ya, fo wanem nao yufala wari tumas abaotem olketa narasamting ya?

Leta wea Pol hemi raetem go long sios long Rom 9:15

Bikos God hemi talem go long Mosis olsem, “Man wea mi siusim fo mi kaen long hem, bae mi kaen long hem, an man wea mi siusim fo mi sore long hem, bae mi sore long hem”

Leta wea Pol hemi raetem go long sios long Rom 9:19

Maet yufala askem mi olsem, “?Sapos olsem, waswe nao God hemi gohed nomoa fo talem mifala rong? Bikos no eniwan save agensim tingting blong God.”

Efesas 1:11

Evrisamting ya, God hemi duim falom plan an tingting blong hem seleva. God hemi falom tingting blong hem, wea hemi siusim yumi bifoa kam yet. Hemi bin siusim yumi fo kamap pipol blong hem wea yumi joen wetem Kraes.