Eklesiastes 5:5 - Pijin Deuterocanon

⁵ Hemi moabeta fo yu no mekem eni promis bikos hemi nogud tumas fo mekem promis an yu nating falom wanem yu bin promis fo duim.

Pijin Bible

⁵ Hemi moabeta fo yu no mekem eni promis bikos hemi nogud tumas fo mekem promis an yu nating falom wanem yu bin promis fo duim.

Eklesiastes 5:5 ပူးပေါင်းရင်းမြစ်များ

Provebs 20:25

Kuiktaem nomoa man hemi mektambu long samting, bat hemi trap bikos bihaen hemi tingim gud wanem hemi duim.

Levitikas 5:4

“Sapos wanfala man hemi mekem wanfala strongfala promis long nem blong mi, bat hemi nating tingting gudfala fastaem long wei wea hemi mekem, nomata hemi gudfala o hemi nogud, oraet, taem hemi luksave long samting wea hemi duim, hemi fitim fo hemi panis fo hem.

Jona 2:9

Bat bae mi singsing fo preisim nem blong yu, an bae mi mekem sakrifaes fo talem tengkiu long yu. Evrisamting wea mi promisim long yu bae mi duim. !Yawe nomoa save sevem man!”

Malakae 2:7

?Olketa prist nao i mesenja blong mi Yawe hu mi garem evri paoa. So, olketa mas tisim pipol fo savegud long tru wei blong mi, an hemi gud fo pipol i kam fo lane from olketa.

Aposol 5:4

Taem yu no salem disfala pisgraon yet hemi blong yu ya, an nomata taem yu salem finis tu, evri seleni ya hemi blong yu nomoa. ?So waswe nao yu tingim diskaen wei fo toklaea? !Yu no laea long man nomoa, bat yu laea long God nao ya!”

Diutronomi 23:21

“Taem yufala mekem promis long Yawe, God blong yufala, yufala mas no slou tumas fo duim wanem yufala promisim. Yawe bae hemi no save fogetem olketa promis blong yufala, an sapos yufala no duim, bae yufala fitim fo garem panis long disfala sin.

Diutronomi 23:22

Bat sapos yufala no mekem eni promis long Yawe, hem nao yufala no mekem sin an hemi oraet nomoa.

Jajis 11:35

So taem Jefta hemi lukim go dota blong hem ya, hemi barava sore tumas an brekem kaleko blong hem nao. An hemi krae olsem, “!Ooooo, pikinini blong mi, mi filsore tumas long yu! !Disfala samting hemi spoelem mi finis nao! !Mi mekem finis wanfala strongfala promis long Yawe wea mi no save brekem!”