Eklesiastes 2:8 - Pijin Deuterocanon

⁸ Mi bin tekem olketa silva an gol blong olketa king long olketa eria mi rul ovarem. Mi garem olketa man an woman hu i singsing fo mekem mi hapi. An mi garem tu plande woman, olsem eni man hemi laekem tumas fo garem.

Pijin Bible

⁸ Mi bin tekem olketa silva an gol blong olketa king long olketa eria mi rul ovarem. Mi garem olketa man an woman hu i singsing fo mekem mi hapi. An mi garem tu plande woman, olsem eni man hemi laekem tumas fo garem.

Eklesiastes 2:8 ပူးပေါင်းရင်းမြစ်များ

2 Samuel 19:35

Mi olo finis, an mi kasem eiti yia nao, an no enisamting wea hemi save mekem mi fo hapi moa. Mi no save testem olketa samting wea mi kaikaim an dringim. An mi no save herem voes blong olketa hu i singsing. Mi no wande fo mekem yu fo wakahad nomoa long mi.

1 Kings 10:10

Den kuin hemi tekem kam olketa presen wea hemi karim kam, an givim go long king. Olketa presen ya hemi olsem: 4,000 kilo gol, an olketa samting wea i smel naes fo wakem insens, an olketa gudfala ston wea i luknaes fogud. Nao bihaen long taem ya, no eniwan hemi givim staka samting fo wakem insens winim wanem kuin long Seba hem givim.

1 Kings 10:14

King Solomon hemi save garem 23,000 kilo gol evri yia.

1 Kings 10:21

An evri kap blong King Solomon, olketa wakem long gol. An evri narafala samting wea olketa yusim long disfala Haos long Olketa Tri blong Lebanon, olketa wakem long gol nomoa. Olketa no yusim silva fo wakem olketa samting ya bikos long taem blong Solomon, olketa tingse silva hemi samting nating nomoa.

1 Kings 11:3

Hemi maritim 700 woman wea olketa evriwan i dota blong olketa king, an hemi garem 300 narafala woman moa. An olketa woman ya i gohed fo tanem tingting blong hem.

1 Kings 14:27

Bihaen, King Rehoboam hemi wakem olketa sil long bras fo sensim olketa wea i lus. Olketa komanda blong olketa soldia blong hem wea i gadem doa blong bikfala haos blong hem, hem nao hemi mekem olketa ya fo lukaftarem olketa sil ya.

1 Kings 9:14

King Haeram hemi bin givim 4,000 kilo long gol go long King Solomon fo olketa vilij ya.

1 Kings 9:28

An olketa go long sip fo go long Ofia. An olketa karim kambaek samting olsem 14,500 kilo gol long King Solomon.

1 Kronikols 25:1

King Deved wetem olketa lida blong olketa Livaet i siusimaot laen blong Asaf, an laen blong Heman, an laen blong Jedutun, mekem olketa lidim wosip. Waka blong olketa, hemi fo dans an singsing fo preisim God long taem olketa pleim simbol, an ringim olketa kaen gita. Nem blong olketa man wea i duim waka ya i olsem:

1 Kronikols 25:6

Olketa man ya i waka andanit long Heman, an olketa gohed fo pleim simbol an ringim olketa kaen gita fo wosipim Yawe long Tambuhaos blong hem. Nao Asaf, an Heman, an Jedutun, trifala gohed fo waka andanit long king.

2 Kronikols 9:11

King Solomon hemi yusim olketa almug timba fo mekem olketa step long lada long Tambuhaos blong Yawe, an long bikfala haos blong hem. An hemi yusim timba ya tu fo wakem olketa deferen kaen gita, mekem olketa ringim fo singsing long Tambuhaos. Kam kasem datfala taem, no eniwan bin tekem kam eni almug timba olsem long Israel.)

Esra 2:65

An olketa tekem kam 7,337 wakaman an wakamere, an 200 man an woman fo mekem miusik.

Eklesiastes 1:2

Disfala Waes Tisa hemi tok olsem, “!Laef blong yumi, hemi no fitim tingting blong yumi! !Ya, evrisamting hemi barava no fitim wanem yumi tingim!”

Daniel 3:15

Oraet, taem yutrifala herem moa saon blong olketa samting ya fo mekem miusik, yutrifala mas baodaon fo wosipim kaving ya. ?Waswe, yutrifala redi nao fo baodaon an wosipim disfala kaving wea mi bin mekem? Sapos yutrifala no laekem, bae olketa torowem yutrifala insaet long disfala bikfala boks wea faea hemi laet bikfala insaet. ?Waswe, yutrifala tingse eni god hemi save sevem yutrifala from paoa blong mi?”

Daniel 3:5

Taem yufala herem saon blong olketa trampet, an olketa bambu paep, an olketa gita, wetem olketa narafala samting moa fo mekem miusik, bae yufala evriwan mas baodaon fo wosipim gol kaving ya wea King Nebukadnesa hemi stanemap.

Daniel 3:7

Taem evri pipol i herem nomoa saon blong olketa samting ya, long semtaem nomoa evri pipol blong evri kantri, an evri kala, an evri langguis i baodaon, an wosipim kaving ya nao.

Emos 6:5

Yufala laekem tumas fo mekem nomoa olketa niufala singsing, olsem wea King Deved hemi bin duim bifoa, an oltaem yufala gohed fo singim olketa singsing ya wetem olketa gita.