Eklesiastes 10:11 - Pijin Deuterocanon

¹¹ Sapos snek hemi baetem man fastaem bifoa hemi save mekem hem stap kuaet, hemi no helpem man hu hemi save kontrolem snek ya.

Pijin Bible

¹¹ Sapos snek hemi baetem man fastaem bifoa hemi save mekem hem stap kuaet, hemi no helpem man hu hemi save kontrolem snek ya.

Eklesiastes 10:11 ပူးပေါင်းရင်းမြစ်များ

Sams 52:2

Oltaem yu mekem olketa ravis plan fo spoelem olketa narafala pipol. Taem yu tok, tang blong yu hemi olsem wanfala sap resa. Ya, oltaem nomoa yu tingimaot evri laea toktok.

Sams 58:6

God, plis yu panisim olketa olsem wea yu bin brekem tit blong olketa laeon. Lod Yawe, plis yu pulumaot tit blong olketa ya.

Sams 64:3

Toktok blong olketa i save spoelem man, olsem naef fo faet wea hemi barava sap fogud, an olketa makem pipol fo sutim olketa wetem olketa ravis toktok ya olsem olketa aro.

Provebs 18:21

Tang save mekem yu dae o laef, yusim gud, bae yu no dae.

Eklesiastes 10:10

Sapos yu no sapanem aks blong yu gudfala, bae yu wakahad tumas taem yu kat long hem. So yusim save blong yu fo mekem waka blong yu gohed gudfala.

Jeremaea 8:17

Yawe hemi tok olsem, “!Lisin kam! Bae mi sendem olketa poesen snek fo kam long yufala, wea no eniwan save trikim mekem olketa stap kuaet. An bae olketa baetem yufala.” Hem nao mesij blong Yawe.

Jemes 3:6

Maos blong man hemi olsem faea tu, bikos hemi save talem enikaen ravis samting nomoa. Nomata hemi wanfala smolfala pat nomoa long bodi, bat hemi save spoelem ful bodi blong yumi fo nogud. An hemi save barava spoelem tu laef blong yumi, wetem samting wea hemi barava kam from hel.

Jemes 3:8

Bat maos nao no eniwan save kontrolem hem, bikos hemi wanfala ravis samting wea no eniwan garem paoa ovarem. Maos hemi olsem poesen tu fo kilim man dae.