Diutronomi 6:9 - Pijin Deuterocanon

⁹ An yufala mas raetem olketa long tufala pos blong doa long olketa haos blong yufala, an long olketa geit long olketa taon blong yufala.”

Pijin Bible

⁹ An yufala mas raetem olketa long tufala pos blong doa long olketa haos blong yufala, an long olketa geit long olketa taon blong yufala.”

Diutronomi 6:9 ပူးပေါင်းရင်းမြစ်များ

Eksodas 12:7

Olketa bikman blong haos mas tekem samfala blad blong animol ya, an hemi mas pendam long tufala saet an antap long frem long doa blong haos wea bae olketa kaikaim mit long hem.

Aesaea 30:8

(Profet) Yawe hemi tok olsem moa long mi, “Yu raetemdaon stori abaotem laef blong olketa pipol ya long wanfala buk, mekem olketa save ridim long taem wea bae hemi kam, an fo evritaem olowe nao.

Aesaea 57:8

Yufala stanemap olketa kaving god, stret long olketa doa insaet long olketa haos blong yufala. Yufala les long mi, dastawe nao yufala tekemaot olketa kaleko blong yufala, an leidaon insaet long olketa bikfala bed blong yufala wetem olketa juri. Yufala aftarem tumas woman fo mekem yufala hapi.

Habakuk 2:2

Yawe hemi ansarem mi olsem, ?Olketa samting ya wea mi somaot long yu, yu mas raetem klia long wanfala saen, mekem hemi isi fo ridim.

Diutronomi 11:18

“Yufala mas baehatem olketa toktok blong mi an tingting long hem. Yufala mas raetemdaon toktok ya an taengem hem olsem wanfala memori long han blong yufala, an long fohed blong yufala.

Diutronomi 11:20

An yufala mas raetem olketa long tufala pos blong doa long olketa haos blong yufala, an long olketa geit blong olketa taon blong yufala.