Diutronomi 5:25 - Pijin Deuterocanon

²⁵ Bat, mifala no laek fo dae long bikfala faea ya. Ating sapos mifala herem voes blong Yawe, God blong yumi, narafala taem moa bae mifala dae nao.

Pijin Bible

²⁵ Bat, mifala no laek fo dae long bikfala faea ya. Ating sapos mifala herem voes blong Yawe, God blong yumi, narafala taem moa bae mifala dae nao.

Diutronomi 5:25 ပူးပေါင်းရင်းမြစ်များ

Jenesis 3:10

An man ya hemi ansa olsem, “Ya, mi herem yu wakabaot kam, bat mi fraet, an mi kam haed long ples ya, bikos mi neket.”

Eksodas 20:18

Taem olketa pipol herem tanda an bikfala saon blong trampet, an lukim laetning an smok ya wea hemi kavaremap bikfala maonten ya, olketa fraet tumas an seksek fogud. So, olketa no go kolsap long maonten ya nao.

Eksodas 20:19

Olketa tok olsem long Mosis, “Hemi moabeta fo yu nomoa yu toktok kam long mifala, an bae mifala lisin nomoa long yu. !Plis yu askem God fo no tok wetem mifala, nogud mifala dae!”

Galesia 3:10

Evriwan hu i holestrong fo falom Lo, bae God hemi jajem olketa, olsem Buktambu hemi sei, “Trabol bae kasem eniwan hu hemi no gohed fo duim evrisamting wea olketa raetem finis insaet long Buk blong Lo.”

Diutronomi 18:16

“Bifoa, long taem wea yufala stap long Horeb, yufala talem dat yufala no wande herem voes blong Yawe, God blong yufala, an no lukim bikfala faea moa, bikos yufala fraet an tingse bae yufala dae.

Diutronomi 18:17

“So Yawe hemi tok olsem long mi, ‘Toktok blong olketa hemi tru nomoa.

Diutronomi 33:2

“Yawe hemi aot long maonten long Saenae, hemi kam long yufala. Hemi kam long yufala olsem san wea hemi kamap narasaet long eria blong Idom. An laet blong hem hemi saenaot from maonten long Paran an hemi kam kasem yufala. Hemi garem 10,000 enjel wea i kam wetem hem, an hemi holem bikfala faea long raet han blong hem.

Diutronomi 5:24

Olketa tok olsem, ‘Yawe, God blong yumi, tude, hemi somaot saen blong paoa blong hem, an wei wea hemi barava hae fogud. Hemi stap long faea ya, hemi toktok kam an yumi herem hem. Tude nomoa, mifala jes save dat mifala pipol save herem toktok blong God an mifala no dae long hem.

Hibrus 12:19

An wanfala trampet hemi kraeaot bikfala, an olketa herem wanfala bikfala voes wea hemi mekem olketa fraet tumas, an olketa talemaot strong dat olketa no laek fo herem moa.

Hibrus 12:29

Bikos God blong yumi ya, hemi olsem bikfala faea wea i save bonem evrisamting.